هبة مجدي: التعاون مع فتحي عبد الوهاب أضاف لي كثيرًا| حوار
تألقت الفنانة الجميلة هبة مجدي من خلال دورها في سلسل “المداح” في الجزء السادس مع النجم هلال، حيث جسدت شخصية "رحاب" التي قدمتها هذا العام بشكل مختلف تمامًا عما اعتاده الجمهور في الأجزاء السابقة، كشفت في حوارها مع “ إيجبتك ” العديد من الكواليس و الأسر التي تكشفها لنا من أول السطر
في البداية.. ما سبب حماسك للجزء الجديد من مسلسل المداح ؟
«الحقيقة إحنا ما كناش متخيلين خالص إن في جزء جديد السنة دي، خصوصًا بعد النجاح الكبير اللي حققته الأجزاء السابقة، وده كان حمل ومسؤولية كبيرة علينا كلنا سواء كممثلين أو مخرج أو مؤلفين، لكن اتحمسنا جدًا لما عرفنا إن في جزء جديد.»
وماذا عن كواليس التحضير؟
كنت متحمسة جدًا؛ أعرف إحنا هنقدم إيه جديد، خصوصًا لما عرفت إن شخصية سميح راجعة، وكمان إن أغلب مشاهدي السنة دي مع الفنان فتحي عبد الوهاب، وده خلاني متحمسة أكتر لأنه ممثل شاطر جدًا.
كيف تطورت شخصية رحاب هذا الموسم ؟
رحاب مختلفة تمامًا، حصل لها تصاعد كبير جدًا، من شخصية هادية وبسيطة بقت شخصية عنيفة وسريعة رد الفعل، وده بسبب حبها الشديد لصابر، لدرجة إنها ممكن تأذيه وتسمع كلام الشيطان.
الشخصية دخلت عالم التاروت والشعوذة.. كيف تعاملتِ مع هذا الجانب ؟
الموضوع ده كان مهم جدًا بالنسبة لي، خاصة إنه منتشر بقوة في الفترة الأخيرة، وناس كتير بقت مهتمة بقراءة التاروت وبتصدق اللي فيه، فاشتغلت عليه كويس جدًا مع المؤلف أحمد سمير فرج علشان نقدمه بشكل مقنع.
هل احتاج الدور لتحضيرات خاصة ؟
طبعًا، اشتغلت على الشكل الخارجي لرحاب، زي لون الشعر والملابس، علشان تبان مختلفة تمامًا عن الأجزاء اللي فاتت، وكمان ركزت على الحالة النفسية لأنها بقت مؤمنة جدًا بالحاجات اللي بتشوفها في التاروت.