«غراميات السواقين».. تعليق ناري من فريدة سيف النصر على دراما رمضان
انتقدت فريدة سيف النصر الأفكار الموجودة في بعض مسلسلات سباق رمضان 2026 ومنها العلاقات العاطفية بين السائقين وبنات من يعملون لديهم.
رسالة فريدة سيف النصر
ونشرت فريدة سيف النصر، عبر حسابها الشخصي على موقع التواصل الاجتماعي فيسبوك، :"لاحول ولاقوة الا بالله..مش عايزة اتكلم بس ماقدرتش.. ياجماعه ماينفعش أجيب مثلاً أمن أو سواق مع بنتي يحافظ عليها والاقي الأمن داخل غراميات مع اللي بيحرسها، وبنت عند ابوها وسواقها بيزعق لها وغيران.. يعني بتفهموا اللي بيشتغلوا يعملوا ايه بالظبط.. اه كلنا ولاد تسعه بس كده غلط احنا بنفتح عينين البنات علي حاجات تودي في داهية.. نمشي الناس اللي جايبينهم ونجيب ستات ولا نهبب ايه ده كلام.. والمفروض البنت تصارح أهلها وماتسمحلوش يكلمها كده.. وهو المفروض جاي يبلغ أبوها بأي حاجة".
وأضافت فريدة سيف النصر:"احنا هانخيب ولا ايه.. طبعا الكلام ده تمثيل في مسلسل أنا شخصيا بحبه وبحب نجمته جدا ومؤلفه وكلهم.. .بس برضه مش كده احنا مش أجانب وأنا كأم ولي حفيدتين ماينفعش يلاقوا ده عادي علاقات وصداقة مع جارد أو سائق وغيره وحب.. وايه الكلام الفاضي ده..واللي عندنا بيقلدوا هوا الوحش قبل الكويس ..ربنا يستر علي ولادنا والله ونرجع نلوم علي السواقين ..ياريت ماحدش يزعل من صراحتي..وأنا مش عنصرية لكن مش لازم ننسى أن في أصول..ملحوظة ..كمان فكرة المساكنة عند الكدواني قومتني من على الكنبة قفزاااا والله..هاكتبها لوحدها".
«مكافأة بعد جرعات النكد والانتقام».. فريدة سيف النصر تشيد بـ«هي كيميا»
وفي سياق آخر أشادت الفنانة فريدة سيف النصر بمسلسل “هي كيميا” والذي يعد أولى بطولات الفنان مصطفى غريب مع الفنان دياب ويعرض في سباق رمضان الحالي.
ونشرت فريدة سيف النصر، عبر حسابها الشخصي على موقع التواصل الاجتماعي “فيسبوك”،:"هي كيميا.. فعلا كيميا، أغنية احنا الثلاثه سكر نباتا حلوين أوي وشرباتاتا .. لائقه على دياب وغريب وميشيل اللي عرفت اسمه لما سألت.. دوول يتعمل بيهم سلسلة أفلام تكسر الدنيا اسمها.. مغامرات الشرير والطيب والغبي".
وأضافت فريدة سيف النصر:"أنتم مكافأه ضحك بدون فذلكة وهادي بعد جرعات النكد والانتقام والصوت العالي.. نشكركم بشدة وكل المشتركين بالعمل طبعًا".