مصطفى كامل: نقابة الموسيقيين ليس لها الحق في قصة شيرين عبد الوهاب
علق الفنان مصطفى كامل على تقصير نقابة المهن الموسيقية في حق المطربة شيرين عبد الوهاب وعدم مساندتها، وتدخل المهن التمثيلية لمساعدتها.
الحالة الصحية لـ شيرين عبد الوهاب
وقال الفنان مصطفى كامل نقيب الموسيقيين خلال تصريحات تلفزيونية: “ليس كل ما يعرف يقال، اللي الناس متعرفهوش إن دي حالة تخص شخص معين غير قابلة للتدخل غير من نفسه ومن أهليته، لما أكون غير قادر على علاجه بناشد الدولة، دي حالتها خاصة المفروض محتاجة دعم معنوي، وتواصلت مع حد مقرب منها وجمبها في هذه الفترة لما اتقال تعبانه، قالت لي الحالة مش حلوة وتعبانه وبنعالجها، قالت نفسيتها مش تمام ومش هتقبل تشوف حد وأدعيلها.”
ومن جهته علق نقيب الموسيقيين على تسريب هوية المطرب توليت من قِبل النقابة، قائلًا: "حاجات كتير بتتسرب من النقابة ومعلومات نكون عاملين اجتماع ونلاقي المعلومات اتسربت، الولد ده جالي وقعدت معاه وعرفني شخصيته وقولتله محدش هيعرف".
وكان الفنان حلمي عبد الباقي، كشف عن هوية المغني الشهير "تووليت" بصفته وكيل مجلس نقابة المهن الموسيقية، والتي أثارت جدلا خلال الأشهر الماضية.
من هو المطرب تووليت
وقال حلمي عبد الباقي، خلال تصريحات تلفزيونية: "قابلته شخصيًا وهو حد كويس، أي حد بيعمل حاجة جديدة وتنجح فالنجاح ده بتاع ربنا مش بقوة الصوت.. وأنا بحب أي حد ناجح، عشان يطلع كارنيه النقابة لازم نشوفه، فلما جه وكشف عن حقيقته كان لذيذ.. هو خفاجي".
كما أكد حلمي عبد الباقي أنه لا يتابع الراب في مصر بشكل جيد ولا يعرف من هو ليجي سي، قائلا: معرفوش بصراحة، أنا مش متابع الراب أوي ماليش فيه أوي.
وتحدثت حلمي عبد الباقي عن خلافه مع المطرب تامر عاشور بسبب أغنية أصعب فراق التي لحنها الأخير، وقام بنشرها عبر السوشيال ميديا بصوته، قائلًا: زعلت من تامر عاشور لما لحن لي اغنية أصعب طريق وبعدين نزلها بصوته على السوشيال ميديا، كنت في الحج واتفاجئت من عيالي انه نشرها، وكنت بتضايق لما يتقالي هي بتاعتك ولا بتاعته، مع اني لما نزلتها بصوتي اتشافت كويس جدا والناس حبتها، وهو اعتذرلي وشخص محترم.