شاب يسأل: هل يحق للموظف الاطلاع على بيانات العملاء؟.. رد قاطع من علي جمعة

سأل يوسف محمد، أحد المشاركين في برنامج نور الدين والشباب، الشيخ الدكتور علي جمعة، مفتي الجمهورية الأسبق وعضو هيئة كبار العلماء بالأزهر الشريف، إذا كنت اعمل في شركة، وبها مجموعة من السيرفرات على سبيل المثال، بمعنى حسابات شخصية للعملاء تحتوي على بياناتهم كاملة، مما يتيح لي فرصة الاطلاع عليها وعلى خصوصيتهم، هل ذلك صحيح أم خطأ؟.

لا يجوز الاطلاع على بيانات العملاء

أجاب الشيخ الدكتور علي جمعة، بشكل قاطع: " لازم يكون للشركة دي قواعد تلتزم بيها، وهى قواعد صحيحة واخدة بها ترخيص، تطلع على ايه، كيف تطلع، كيف تتيح المعلومات للأخرين بأي شروط وهكذا".

وأضاف جمعة في رده، خلال تقديمه برنامج نور الدين والشباب، "دي حاجات مش خاصة ببلد دون بلد، دي حاجات عالمية، فلما يتصل بي حد ويطلب مني بيانات، البيانات دي قد تؤدي إلى جريمة قتل وقد تؤدي الى خراب البيت وكب الزيت، ولذلك وضعت هذه بناء على الخبرة المتراكمة"، مشددًا: " فلازم لازم إن كل واحد يبقى في المؤسسة بتاعته ملتزم بهذه القواعد، ما تجيش بقى وتعمل معارضة في ذهنك ما بين هذه القواعد وبين عرض على الفقيه في الحلال والحرام، لا "الافتيات على الإمام حرام"، وهذه العبارة عبارة صغيره كده في الفقه معناها ايه، معناها اللي احنا بنقول عليه ده، أنه الالتزام بالقواعد بتاعة المرور، بتاعة الدولة، بتاعة المؤسسة، مخالفتها حرام".

القواعد لم تضع تعنتا

وأوضح الشيخ الدكتور علي جمعة: " لأن هذه القواعد لما وضعت ما وضعتش تعنتا، بل وضعت لحفظ الأسرار، فالطبيب بنقول له أوعى تقول المريض اللي جالك عنده ايه وبيتعالج من ايه وبايه، لأنه ممكن ده يوقع ضرر كبير بالمريض، طب أنا عايز أعرف بدافع شهوة المعرفة عندي هنا كده، ومن النقابة تعاقبه لو أنه افصح عن هذا لأنه الطبيب له قواعد معينة لا يجب مخالفتها".