محمود حجازي يعلق على أزمته الأخيرة: "مش هتنازل عن منع سفر ابني"
علق الفنان محمود حجازي على أزمته الأخيرة، بشأن التعدي على زوجته وفتاة أجنبية، ونشر منشورًا عبر حسابه الرسمي بموقع “إنستجرام”، وعلق قائلًا: “إحنا منعرفش الخير فين وليه بيحصل كل ده اكيد ربنا ليه حكمة والحقيقة هتبان هتبان وساعتها هبقى ضامن حقي في الدنيا زي ما ضامن حقي في الآخرة”.
وأضاف محمود حجازي: “كفاية كدب ده انتوا حتى بتكذبوا في الشهادة العلمية وبتقولوا دكاترة فين طيب الدكتوراه دي وهى كدبة بتحاولوا تداروا بيها عن نقصكم .. انتم فاضيين ولا تعموا غير علي أذيتي وكل من حولي، مهما عملتوا مش هتنازل عن منع سفر ابني اللي أنا محروم منه ولحد دلوقتي ابويا وامي لسه ماشفهوش خالص من ساعة ما أتولد وبقي عنده سنه ونص وبقاله في مصر 5 شهور”.
وتابع محمود حجازي: “ربنا موجود وأنا اقوى من اي حاجة عشان معايا الحق ومهما صرفتوا من حملات عشان تدمروني مش هتعرفوا ده تعب سنين ولو عايزين تتشهروا اصبروا لسه اللي جاي هيشهركوا اكتر رغم كنت ساكت عشان خاطر ابني بس دلوقتي خلاص”.
واختتم محمود حجازي منشوره قائلًا: “لازم الدنيا كلها تعرف حقيقتكم زي ما ربنا عارفها إني فوضت امري لله وبجد اللي حصل ده علمني كتير اوي وشكرا لكل حد سأل عليا او قال كلمه خير في حقي .. ولكل حد بيتكلم عن الموضوع وكأنه عايش معانا وبيأكد اتهامات من غير دليل حسبنا الله ونعمه الوكيل لقاءنا قدام ربنا”.
إخلاء سبيل محمود حجازي في اتهامه بالتعدي على أجنبية
وكانت جهات التحقيق قررت إخلاء سبيل الفنان محمود حجازى بكفالة 50 ألف جنيه على ذمة التحقيقات، فى واقعة اتهامه بالاعتداء الجنسى على شابة تحمل جنسية أجنبية.
ونشرت صفحة الفنان محمود حجازي عبر موقع التواصل الاجتماعي "فيس بوك" آية قرانية من سورة الأنفال وهي "ويمكرون ويمكر الله والله خير الماكرين" ( الأنفال: 30).
واستكملت: "أن كيد البشر ومكرهم لإيذاء المؤمنين أو إبطال الحق، مهما عظم، يواجه تدبير الله الأعلى الذي يبطله ويقلبه نفعًا".
وألقت أجهزة الأمن بمديرية أمن القاهرة، القبض على محمود حجازي، بعد اتهامه بالتحرش بفتاة في أحد الفنادث الشهيرة في القاهرة، وتم ضبط الفنان والقبض عليه وتم حبسه حتى تم التحقيق معه وأفرجت عنه بكفالة.