سما المصري: عايزة أشتغل وأكل عيش بالحلال والناس بتتهمني بالباطل
أعربت سما المصري عن معاناتها واستيائها من حملات التشويه التي تتعرض لها، مؤكدة أنها تسعى فقط لنيل حقها والعمل الشريف بعد ارتدائها الحجاب منذ ما يزيد عن شهر.
وقالت سما المصري في منشور عبر حسابها الشخصي بموقع التواصل الإجتماعي فيسبوك: «والله يارب أنا ما عايزه غير حقي أنت وحدك سبحانك اللي عارف كل حاجه وعارف أنا صابره وساكته ومش عايزه أتكلم عشان أنت اللي هتجيبلي حقي وعشان عايزه أشتغل مع ناس تاني وأكل عيش بالحلال.. نهشوا في عرضي وشككوا الناس فيا وفضحوني بالباطل قدام أهلي والناس وشهروا بيا ودخلوا كمان في نيتي وضميري وحجابي».
سما المصري: عايزه أشتغل مع ناس تاني وأكل عيش بالحلال
وتابعت سما المصري: «دخلوا في علاقتي بيك اللي محدش عارفها غيرك أنت سبحانك.. كل دا عشان طالبه رزقي بالحلال وساكته عماله أقول بكره يعقلوا بكره يسكتوا ومفيش فايده بتحارب وهتحارب عشان عايزه أبقى نضيفه.. أقف جنبي يارب مش طالبه غيرك يقف جنبي، مهما الكل سابني وشك فيا وكدبني انت بس اللي مصدقني».
سما المصري: بتحارب وهتحارب عشان عايزه أبقى نضيفه
ختامًا، شددت سما المصري على حرصها على الكسب الحلال والدفاع عن حقها القانوني والمهني، معلنة استمرارها في مواجهة ما وصفته بـ «التشويه» حتى استرداد كامل حقوقها، معقبة بقول: «اتحسبنت عليهم ولسه بتحسبن أنا اشتغلت معاهم بما يرضيك واخدت حقي لكن هم مش عايزين الحق، أنت اللي عالم أنا قوية بيك أوعي تسبني يارب».
وفي وقت سابق تحدثت سما المصري، عن حقيقة عملها في إحدى شركات العقارات بمرتب شهري 50 الف جنيهاً، مقابل بيعها عدد من الشقق والأراضي، موضحة أنها لم تعمل لصالح تلك الشركة ولكنها قامت بإعلان دعائي له مقابل مبلغ من المال.
مرتب سما المصري 50 ألف جنيه
وقالت الفنانة سما المصري في فيديو عبر حسابها الرسمي على موقع التواصل الاجتماعي فيسبوك،: "لم أعمل في شركة مقابل 50 ألف جنيه، ولا حتى 50 جنيهاً، فالأمر لم يكن سوى إعلان لإحدى شركات العقارات، وبعد أن توبت وارتديت الحجاب وأعلنت رغبتي في البحث عن عمل حلال، عرض عليّ صاحب الشركة، مشكوراً أن أعمل معه، لكنه في مجال لا أفهم فيه وهو العقارات".
حقيقة حصول سما المصري على مرتب 50 ألف جنيه
وأشارت سما المصري، إلى أنها أعتذرت لصاحب الشركة كونها لا تستطيع الالتزام بوظيفة براتب ثابت تستلزم الاستيقاظ المبكر، فاعتذرت عن قبولها وبعد ذلك اتفقت معه على تقديم إعلانات للشركة، لكن دون حصولها على مبلغ 50 ألف جنيه كما أُشيع".