قصواء الخلالي: الإعلام المقيد لا يصنع رسالة ولا يدعم نهضة|فيديو
قالت الإعلامية الكبيرة قصواء الخلالي، خلال حلقة اليوم من برنامج «في المساء مع قصواء»، إن توصيات لجنة تطوير الإعلام التي عرضت على رئيس مجلس الوزراء تسربت، مؤكدة "حتى التوصيات المفروض كان تقول اللجنة والله توصياتنا الرئيسية مش لازم تدينا تفاصيل رئيسية كاملة في الملف ده واحد اتنين تلاتة، وفي الملف ده كذا وكذا والباقي تفاصيل عرضت على رئيس مجلس الوزراء وستقدم للسيد رئيس الجمهورية".
التسريبات وتوصيات لجنة تطوير الإعلام
وأضافت الخلالي: "مش لجنة إعلام جت اتكلمت في تطوير إعلام قعدوا واتكلموا في تطوير الإعلام، ومش مفروض يطلع توصيات كاملة معلنة، إعلام والصحافة اللي قعدوا مثلوهم وقالوا رأيهم، وبعدين يبقى في حالة واضحة اقول أنا قلت كذا وعملت كذا، والتوصيات اترفعت وفي مجالها، لا، دي سرية برضو، يعني اوعى تقول لحد، إحنا عملنا توصيات على الضيق كده، مش هنقول لحد فيها".
وتابعت الإعلامية: "أصل التوصيات هترفع للسيد الرئيس، مش انعقدتوا قدامنا كلنا ومثلتونا طب ما تقولوا أنتم رافعين للسيد الرئيس إيه، ما تقولوا، حضرتكوا انعقدتم وقلتوا كلام زي الفل، زي ما حضراتكم بتقولوا، وقدمتوا للسيد رئيس الوزراء، والسيد رئيس الوزراء مبسوط والسيد رئيس الوزراء هيرفعه للسيد رئيس الجمهورية".
سرية التوصيات ودورها في وضع السياسات
وأكدت الخلالي، أن "الورقة الأخيرة بتقول إيه الإعلام المقيد لا يصنع رسالة، ولا يدعم نهضة، ولا يؤثر في المواطن، ولا يقنع بإنجاز، الإعلام القوي والحر هو حصن الوطن، دفاعًا عن كيانه، والتعبير رسالته بذكاء ومننا فينا".
وأشارت إلى أن "قلنا الكلام وديناه للسيد رئيس الوزراء، والسلام عليكم خلصنا يا جماعة، والسلام عليكم ورحمة الله وبركاته، انتم ايه الله أعلم، كتبوا إيه في التوصيات، الله أعلم، إنما السيد رئيس الوزراء كان مقصود، ناس اجتمعت تمثل الإعلام والصحافة وخلصت وتوصيات جمعت واتعمل تقرير.
ولفتت الخلالي، الانتباه إلى دور الإعلام والمواطن في المجتمع، قائلة: "المواطن بقى إعلامي، المواطن بقى صحفي، بقى يصور ويكتب وعنده رأي، وإحنا ليه بنتعامل مع المواطن وكأن وعيه أقل من الوعي المطلوب، المواطن لو مش ذكي وواعي أعلى من الوعي المطلوب، ما كانش الوطن ده يكون مستقر".
- # المشاركة
- # المعلومات
- # السياسات
- # تفاصيل
- # المساء مع قصواء
- # تطوير الإعلام
- # برنامج في المساء مع قصواء
- # قصواء الخلالى
- # رؤية الدولة
- # التطورات
- # في مصر
- # مقترحات
- # اتخاذ القرار
- # التوصيات
- # التسريبات
- # لجنة تطوير الاعلام
- # الإعلامية الكبيرة قصواء الخلالي
- # توصيات
- # واضحة
- # المشهد
- # شائعات
- # جمهور
- # القرارات
- # الدول
- # الشفافية
- # الصحافة
- # الإعلام