أول ظهور لـ أسما شريف منير بعد أزمة محمود حجازي

أثارت الإعلامية أسما شريف منير قلق متابعيها بمنشور جديد، عبر حسابها الشخصي على موقع التواصل الاجتماعي إنستجرام.

ونشرت أسما شريف منير، عبر حسابها الشخصي على موقع التواصل الاجتماعي إنستجرام، صورة تجمعها بزوجها، معلقة عليها:"الفترة اللي فاتت كانت صعبة كان فيها كرب، رزق واقف، وشكوك بتتسلل لعقلي… الشيطان حاول يقنعني إن التزامي هو سبب المشاكل… حسّيت بضغط من كل ناحية، حتى من أقرب الناس ليا خذلوني… بدأت أشك في إيماني… لكن لما رجعت لربنا، فهمت إن الابتلاء هو جزء من طريق المؤمن الأنبياء نفسهم اتعرّضوا لاختبارات، وده كان دليل على قربهم من ربنا… ربنا صفّى لي رؤيتي بشكل أنا نفسي مكنتش متخيلة إني محتاجاه".

وأضافت أسما شريف منير: "بقيت أشوف الناس على حقيقتها… مش على اللي كنت بتمنى يبقوا عليه، ولا على الكلام الحلو اللي بيتقال، ولا على النسخة اللي كنت ببرّرها في دماغي عشان ما أخسرش حد. .بدأت أفهم مين بيحبني بصدق… ومين كان موجود بس عشان أنا “مفيدة”..مين بيظهر وقت الجد حتى لو ده هيكلفه… ومين بيختفي أول ما الموضوع يحتاج منه مجهود، أو التزام، أو مجرد احترام".

واختتمت أسما منشورها:"عرفت إن اللي بيبان إن الدنيا ماشية معاهم كويس مش دايماً على حق. وبدأت أشوف علامات إن الناس اللي حواليّة بيدعولي،
وإن ربنا بيطبطب عليّ. ان مع العسر يسر، حتى لو الوجع لسه موجود.. أنا دلوقتي فاهمة إننا أحياناً بننسى إن الدنيا مش الهدف الحقيقي… المهم هو الآخرة، هو اختبار صبرنا… اللي عايزه أقوله…لو بتعدّوا بوقت صعب، اعرفوا إن ربنا لسه عايزكم. لو الدنيا وردي طول الوقت، اقلقوا. المهم، رجوعنا لربنا، صبرنا، وتسليمنا. الحمد لله دائماً وأبداً.. إذا شفتوا كلامي، ادعولي".

علاقة أسما شريف منير بمحمود حجازي

جدير بالذكر أن أسما شريف منير تصدرت تريند وسائل التواصل الاجتماعي بعد أزمة الفنان محمود حجازي وتداول صور لزوجته رنا طارق بكدمات في الوجه والعينين واتهماها له بضربها وسحلها، حيث أن محمود حجازي كان متزوجاً قبل ذلك بأسما وانفصل عنها دون أن يوضح الطرفين أسباب ذلك الانفصال.

أزمة محمود حجازي

جدير بالذكر أن مواقع التواصل الاجتماعي اشتعلت بما يفيد تعدي الفنان محمود حجازي على زوجته بالضرب والسحل، مما أدى إلى إصابتها بكدمات في عينها اليسرى والأنف والذراع، ما تسبب لها في أزمة نفسية وجسمانية كبيرة، كما جاء في التقرير الطبي التي نشرته.

وقدمت رنا طارق عبد الستار، زوجة محمود حجازي، المصرية المقيمة في الولايات المتحدة، بلاغًا رسميًا ضد زوجها الفنان ووالد طفلهما، لدى نيابة أول وثالث أكتوبر الجزئية تحت رقم 11955 لسنة 2025، وذلك على خلفية اعتداء جسدي.