بفيديو جديد.. منى هلا تثير الجدل عبر مواقع التواصل الاجتماعي.. ما القصة؟

أثارت الفنانة منى هلا جدلًا واسعًا عبر مواقع التواصل الاجتماعي خلال الساعات القليلة الماضية، بعد مطالبتها بعودة فصل الصيف من جديد، مؤكده نفورها من فصل الشتاء.

ونشرت منى هلا فيديو لها، عبر حسابها الرسمي بموقع تبادل الصور والفيديوهات "إنستجرام"، قائلة: "أنا عندي سؤال هو الشتا عايز مننا إيه السنادي.. بجد والله إيه ده اللي بيحصل، رجعولنا الصيف تاني لو سمحتم، من فضلكم يعني لو مافيهاش إساءة أدب، احنا عايزين الصيف يرجع تاني.. شكرًا جزيلًا".

تعليقات منى هلا على انتقادات زواجها المدني

تصدرت الفنانة منى هلا التريند عبر مواقع التواصل الاجتماعي ومحركات البحث جوجل وذلك بعد تصريحاتها الأخيرة وردها على الانتقادات التي تعرضت لها بسبب زواجها المدني، مشيرة إلي أنها سيدة أجنبية وهذة هي الطريقة القانونية لتوثيق الزواج.

منى هلا:" أنا نمساوية ومعنديش جنسيات تانية 

قالت منى هلا في تصريحات صحفية: "أنا أجنبية، والأجانب في مصر لما بيجوا يتجوزوا أو في أي حتة في العالم بيتجوزوا مدني، في مصر لازم نتجوز في المحكمة في وزارة العدل، أنا مش فاهمة في إيه، واللي بينتقد غباء وجهل، اللي بينتقد من غير ما يعرف القانون يروح يسأل، والمشكلة أنهم بيمسكوا في الستات".

تابعت: "لو في راجل طلع قال نفس الكلام أو أنه مش عايز يخلف مثلًا الناس مش هتهاجمه، ولكنهم لازم يهاجموا الست لأنك بتتكلمي، مش فاهمة متضايقين من جوازي المدني ليه، أنا أجنبية ولا أحمل جنسية في حياتي غير النمساوية، والجنسية النمساوية مينفعش تاخدي جنبها جنسية تانية، ودي الطريقة اللي بنتجوز بيها في المحكمة علشان يبقى موثق في الدولة اللي عايشة فيها، وأي حد عايز يسأل يروح يسأل".