بخاف من الموت والمرض وبنتي جالها ذهول.. أبرز تصريحات كارول سماحة في «معكم»
تصدرت المطربة اللبنانية كارول سماحة مؤشر البحث جوجل محركات البحث ومواقع التواصل الاجتماعي، عقب ظهورها مساء أمس الخميس ضيفة في برنامج «معكم» مع الإعلامية منى الشاذلي، وخلال اللقاء تحدثت كارول عن الأزمة الصحية التي مر بها زوجها المنتج وليد مصطفى، موضحة أن حالته تدهورت بعد فشل عملية زراعة الكلى، حيث أصيب بمضاعفات خطيرة اضطرته إلى الخضوع لجلسات غسيل كلوي منتظمة، كما كشفت الصدمة التي تلقتها عندما وصلها خبر وفاته في تلك الفترة العصيبة، كاشفة عن تفاصيل مؤثرة حول كيفية تعاملها مع الموقف وما عانته أسرتها من لحظات صعبة.
وفيما يلي أبرز تصريحات كارول سماحة خلال اللقاء:
-أى حد حضنته فى عزاء زوجى كنت بحس أنه أخويا حتى اللى معرفوش كنت محتاجة الأمان.
-مقدرتش أودع زوجى فى المسجد فقط وحبيت أودعه فى المقابر.
وفاة زوج كارول سماحة
-بشكر كل الناس اللى وقفت جمبى من الزملاء والفنانين منهم منى الشاذلى واللي حضر العزاء كان جاي عن حب.
-زوجيكان بيلعب معانا زى الأطفال وعشنا سنين طويلة مع المرض.
-بخاف من الموت والمرض ولما دخل علينا المرض في زوجي وليد فى حاجات كتير اتغيرت.
-اتفقنا أنا وزوجي الراحل نخبى المرض عن الناس علشان منشوفش نظرة التعاطف.
مرض زوج كارول سماحة
-زوجي خضع لعملية زراعة كلية لكن منجحتش واضطر بعدها إلى جلسات غسيل كلوي أدت لمضاعفات خطيرة على القلب.
-لما رجعت البيت كنت حزنية وبنتي قالت لي: مش عايزاكي تعيطي مش عايزة أخسرك أنت كمان.
-أصعب لحظة كانت لما حسيت إنه بيجهزني لفكرة الوداع.
عملية جراحية لزوج كارول سماحة
-كان عند زوجي أمل فى الشفاء وفى نفس الوقت كان عنده إحساس إنه مش هيعدي المرض.
-مستسلمتش للحزن وأخذت قرار للوقوف على رجليا لأن مكنش عندى خيار تانى ومفرقش معايا كلام الناس.
-أخذت قرارى وقلت هقدم المسرحية وهطلع أبكى فى غرفتى، لأن محدش كان عارف أنى عشت إزاى فى مرض زوجى.
-كنت بمرن نفسى واتخيل أن فى وحدة تانى حصل معاها كل ده، وكنت فى حتة تانية فى كواليس المسرحية الغنائية.
كارول سماحة تتحدث عن تلقيها خبر وفاة زوجها
-الحياة عمرها ما هترجع عادية، لأن مصر بالنسبة لي وليد خاصة إن أنا عايشة في مصر معتقدش إنها هتبقى عادية.
-مرحلة ما بعد الحالة اللي عيشناها مش هتبقى سهلة بالنسبة لي ولبنتي.
-أنا أم لوحدها بتربي بنتها في مصر اللي هي بلدي طبعًا.
-بعد ما عرفنا خبر وفاة وليد تالا بنتي كانت في حالة ذهول مفيش أي تعبير لا عياط ولا شيء مجرد صدمة صامتة.
-بنتي راحت تلبس أسود على والدها رغم ناس كتير قالولها متلبسش ده علشان ممنوع على الأطال.
-بنتي رد على الناس وقالتالهم: لأ ما دام ماما لبست أسود أنا كمان هلبس أسود.
وكان رحل المنتج وليد مصطفى فجر يوم السبت 3 مايو 2025 عن عمر ناهز 53 عامًا، إثر صراع طويل مع المرض، خاصة مرض عضال في الكلى بدأ حوالي عام 2018.