سلوى محمد علي تهاجم أبو الليف لهذا السبب
هاجمت الفنانة سلوى محمد علي، المطرب نادر أبو الليف بعد منشور له تحدث فيه عن واقعة له مع إحدى المذيعات، مؤكدة أن ما فعلته تلك المذيعة إنجازاً كبيراً في حق سيدات مصر.
وكتبت سلوى محمد علي عبر صفحتها بموقع فيسبوك: “خدت غرضها منى وعملتلي بلوك دى جملة تشفي غليلنا كلنا والله تحیاتی واحتراماتي للست العظيمة دى عارفة حضرتك انك اخدتى بتار عشرات النساء من الرجالة اللى بتعمل كدة”.
وأثار المطرب أبو الليف جدلاً واسعاً عبر صفحته الرسمية بموقع فيسبوك بعد حديثه حول تعرضه للخداع من قبل مذيعة، قامت بتفعيل خاصية الحظر له ورفضت التواصل معه مرة أخرى، حيث كشف عن الموقف الذي دار بينهما.
أبو الليف يوجه رسالة لـ مذيعة
وكتب أبو الليف: «مساء الخير علي كل حبايب قلبي اللي متابعين عايز أقول علي مذيعة شغالة علي قناة فضائية أول حرف من اسمها N وساكنة في الرحاب، كنا أصحاب مقربين جدا جدا جدا وبعد لما أخدت غرضها مني عملتلي حظر».
وتابع: «لو مفكتش الحظر هقول علي اسمها والقناة اللي شغالة فيها واسم البرنامج علشان بمزاجي لكن تفتكري إنك مفتحة وأخدت إللي إنتي عايزاه مني وضحكتي عليا فأهون عليا أقولكل حاجة وأنا راجل مفيش حاجة تعبني».
وأضاف: «أنا منتظر وعامل بأصلي وبالعيش والملح وهنزل كمان صور لينا لوماشالتش الحظر وهيبقي كل حاجة علي عينك يا تاجر أنا مش بهدد ولكن بعمل اللي عليا قبل لما أخد أي خطوة وإللي عايز يعرف مين هيكلمني علي الواتساب وشكرا».