ساندي تثير جدل جمهورها بسؤال تأملي: "ليه جينا الأرض؟"|فيديو
أثارت الفنانة ساندي جدلًا واسعًا عبر مواقع التواصل الاجتماعي خلال الساعات القليلة الماضية، بعدما طرحت سؤًالًا يدعو للتفكير، حول سبب وجود الإنسان على الأرض، وتغير المشاعر من وقت للآخر.
ونشرت ساندي فيديو لها، عبر حسابها الرسمي بموقع تبادل الصور والفيديوهات "إنستجرام"، وكتبت، معلقة: “تفتكروا ليه جينا الأرض وإيه سبب اختلاق المشاعر من لحظة والتانية؟".
واستكملت: “إحنا جينا الأرض أو العالم المادي عشان نتزكي يعني نتطور و نعيش جميع الأسماء أي المشاعر.. وعلم آدم الأسماء كلها.. طب ليه ولـ إيه؟! تخيلو كده لو إحنا مجرد طاقه، يعني مثلًا لو البنزين موجود بس مفيش عربيات هيعرف إزاي قيمته.. هي الفكره بس إننا نعلي القيمه الذاتيه و نستمتع بالمتاح و نستخدمه للتزكي مش نقف و نندب حظنا".
وتابعت: “في الڤيديوهين دول فرق وعي أنا هو هو نفس الجسد بس مش نفس الوعي، هناك كنت وعي الضحية شخص شايف إنه إتأذي من ناس ما عملش معاهم غير كل خير، و لكن الحقيقه إني نفسي اختارت الإختبار ده.. إني أتأذي عشان أتعلم وأوقف pattern اختياري الخطأ و أبقي شخص واعي قوي قادر علي تغيير مساره مفيش حاجه اسمها مكتوبلي في حاجه اسمها مقادير للقدر.. يعني بتعمل إيه أدي لـ إيه! مش صح ولا ايه؟”.
أحدث الأعمال الغنائية لـ ساندي
طرحت المطربة ساندي أحدث أعمالها الغنائية والتي تحمل عنوان “شكرا على امبارح”، عبر قناتها الرسمية على موقع المشاهدات العالية الشهير “يوتيوب”.
أغنية شكرا على امبارح
أغنية شكرا على امبارح من كلمات، وألحان: عزيز الشافعي والتوزيع الموسيقي: توما وجيتار: أحمد حسين، والأغنية طرحتها ساندي على طريقة الفيديو كليب من إخراج عاصي.
أعمال ساندي
وطرحت ساندي قبل أسبوع أغنية "قلبى اتهكر" من ألبوم "شكرا على امبارح"، ولاقت الأغنية نجاحًا واسعًا فور طرحها على مواقع التواصل الاجتماعي المختلفة.
وتقول كلمات أغنية قلبي اتهكر كالتالي: "قلبي اتهكر تحضر سيرته لساني يشكّر من غير حتى ما عقلي يفكر بيحلي اليوم بيخليه مسكر.. مهما بقول يستاهل أكتر غيابه يوتر ادمنته ومش هعرف أبطل ده ملاك و فإنسان متنكر.. بيصفى الجو لو كان متعكر مهما بقول يستاهل أكتر".
ساندي تكشف عن عمرها الحقيقي
وحلت ساندي ضيفة على البرنامج الإذاعي «أجمد 7»، للإعلامية جيهان عبد الله، قائلة: «أنا شخصيتي كرتونية وطفولية وبتطلع غصب عني تلقائي، أنا كبرت لكن داخليا مكبرتش، أنا شهر 4 هيبقى عندي 40 سنة ومبسوطة لأني قدرت أحافظ على شكلي واتعب عليه مش بعمل أي حاجة مضرة بالصحة».
وأوضحت ساندي أنها تقول سنها فخرًا، خاصة أن شكلها يبدو أصغر من عمرها بكثير، لذلك تحب أن تتحدث عن عمرها، خاصة أن رد فعل الناس يشعرها بالسعادة.
وتابعت ساندي:« كل سنة بحتفل بـ22 والناس بتصدق وتقولي إزاي أنا كنت صغير أوي وأنا بسمعك وكبرت واتخرجت واشتغلت إزاي أنت 22، مبسوطة أنهم مصدقين بس أنا بحتفل بالرقم عشان بحبه جدا، والشكل بتاعي مديني شكل طفولي، أنا مبسوطة فعشان كده بقول عادي».