محمد دياب عن ممازحته لـ هشام ماجد: «مكنش قصدي وبقاله 15 سنة نجم»
خرج المخرج محمد دياب الجدل، للرد على ما أثير خلال الأيام الماضية حول تصريحاته المتداولة عن الفنان هشام ماجد بأنه لم يكن معروفاً سوى بعد مسلسله أشغال شقه بعد تعاونه مع شقيقه المؤلف محمد دياب، مؤكداً أنه لم يقصد أنه يحرجه بل هي طريقته المعتادة في المزاح معه
رد المخرج محمد دياب على ممازحته لـ هشام ماجد
وقال محمد دياب في فيديو نشره عبر صحفته الرسمية بموقع فيسبوك: «من كام يوم كنت في انترفيو مع هشام ماجد، واللي الناس متعرفهوش إني علاقتنا قوية لدرجة إني إحنا بنهرج مع بعض تهريج رخم بينا وبين بعض، بس أنا في محاولة بائسة إني أبقي كوميديان قررت إني اطلع الهزار الرخم ده قدام الكاميرات».
وأضاف دياب: «الناس زعلت طبعا، ولما فكرت فيها أنا مش عارف هرجت إزاي كده قدام الكاميرا، وفي نفس الوقت اتبسط شوية لأني هشام ده أخويا وأنا طول الوقت بشجعه ومبسوط أوي أني الجمهور بتاعه بيجبه أوي بالشكل ده».
وأكد المخرج محمد دياب على تقديره الكبير لهشام ماجد، سواء على المستوى الفني أو الإنساني، موضحًا أنه نجم كبير منذ 15 عاماً من قبل مسلسل أشغال شقة، مشيراً إلى أنه دائماً ما يمازحه بتلك الطريقة.
وأضاف خالد دياب،: «طريقة تهريجنا الشخصية دي بتبقي جاية أننا نقول حاجات مش موجودة في الواقع، وهشام نجم بقاله 15 سنة، وأشغال شقة مش هيبقي ليه طعم وعنوان لو هشام مش موجود فيه، وبعدين أنا بهرج على مشاريع مش مشاريعي، أنا راجل بعمل جد، الدرس المستفاد اللي زي يخلي في الحاجات الجد، ويسيب الهزار للناس بتاعت الهزار».
وفي وقت سابق أحرج المخرج محمد دياب الفنان هشام ماجد في العرض الخاص لفيلم “ده صوت إيه ده” للفنان أشرف عبد الباقي، حول عمله مع شقيقه المؤلف خالد دياب في مسلسل “أشغال شقة”، موضحا أنه لم يعرفه أحد سوى بعد عمله مع شقيقه.
كان هشام ماجد يجري حوارا مع عدد من المراسلين على “ريد كاربت” العرض الخاص، ودخل محمد دياب فجأة وقال مازحًا: «كان ولا حاجة قبل أشغال شقة وخالد أخويا رفعه.. كان تحت، فاكر لما كنت بتقولي أشتغل معاه ولا لأ»، فيما رد عليه النجم هشام ماجد بقوله: «كنت باقعد على القهاوي أتحايل على المخرجين لحد ما خدني المخرج خالد دياب».
محمد دياب يحرج هشام ماجد
واعتبر الكثيرون أن حديث محمد دياب تقليل من شأن هشام ماجد، وأنه أحرج بشكل كبير للغاية، حيث كتب أحدهم: «الكلام السم اللي بيداري في الهزار، هشام ماجد ابن ناس أوي»، وكتب آخر: «هزار بارد ومالوش معني وكله إحراج، ده كلام يتقال بينهم مش ع الملأ»، وكتب أحدهم: «ايه الغل ده يا ابني إيه ده ده ريحة الشياط طالعة من التليفون»، بينما أعلن متابع غضبه من حديث السيناريست محمد دياب بقول: «هشام ماجد اللي خلي للمسلسل سعر، اللي مكنش حد من الممثلين علي لسان أخوك كان قابل بيه أساسا وإحنا اتفرجنا عشانه أصلاً».