بعد خسارة مصر من السنغال.. مراد مكرم يفاجئ جمهوره بطلب لمسؤولي الرياضة

علق الفنان مراد مكرم على خسارة مصر أمام منتخب السنغال في بطولة كأس الأمم الأفريقية في المغرب وعدم تأهلها للنهائيات.

ونشر مراد مكرم، عبر حسابه الشخصي على موقع التواصل الاجتماعي إنستجرام: "طبعاً حزين زي أي مصري على ماتش امبارح.. بس حق ربنا ما كنتش متوقع أننا نوصل لنصف النهائي أصلاً".

وأضاف مراد مكرم: " بس عندي رجاء للمسئولين عن الرياضة في مصر.. كل الرياضة مش الكورة بس.. اتعلموا من التاريخ فاكرين النهضة المصرية الأولى في العصر الحديث اللي عملها محمد علي الكبير ننفذها بقى في الرياضة.. فلوس تتصرف صح على إرسال مدربين ولاعبين إلى أحسن المدارس الرياضية في كل رياضة".

واختتم مراد مكرم منشوره: "بحلم أننا في 2030 نوصل أننا نبقى ملوك القارة بجد.. مش بالتاريخ لكن بالحاضر".

مراد مكرم: اللي يذم في غيره ممثل فاشل

جدير بالذكر أن الفنان مراد مكرم انتقد تصرفات بعض الفنانين والتي يعلق فيها بالسلب على زملائه في الوسط الفني من خلال موقف مؤثر بينه وبين والده الراحل.

ونشر مراد مكرم، عبر حسابه الشخصي على موقع التواصل الاجتماعي فيسبوك:"أبويا، الله يرحمه، كان عنده محل موبيليا، كان لما يدخل له زبون يقوله، ده فلان عنده سفرة زي دي، مثلاً، بكذا..أرخص يعني.. كان يقوله برافو عليه، هو يمكن أشطر مني أنه عرف يعملها أرخص...، رغم أني كنت عارف أن شغل الخشب بالذات فيه لعب كتير، من نوع الخشب المستخدم، لنوع التشطيب، للنجار اللي بيشتغل".

وأضاف مراد مكرم:"المهم...سألته مرة ،أنت عارف أن فلان ده بيشتغل بخشب كذا مش كذا و علشان كده أرخص.. قالي جملة طبقتها على كل حياتي ...التاجر الفاشل هو اللي يذم في بضاعة غيره....اعرف أزاي تبيع بضاعتك من غير ما تقلل من بضاعة حد.طبق بقى الحكمة دي عزيزي المتابع على كل حياتك".واختتم مراد مكرم منشوره، قائلاً":اللي يذم في صوت غيره مغني فاشل.. اللي يذم في تمثيل غيره ممثل فاشل.. اللي يذم في تشطيبات غيره مقاول فاشلو هكذا.. خليك في بضاعتك ومالكش دعوة بغيرك".

انتهاء تعاقد مراد مكرم مع قنوات CBC

وأعلن مراد مكرم  عن انتهاء تعاقده مع شبكة قنوات cbc، وذلك عبر حسابه الشخصي على موقع التواصل الاجتماعي فيسبوك.

ونشر مراد مكرم، عبر حسابه الشخصي على موقع التواصل الاجتماعي فيسبوك: "بعد سنوات من العمل أعلن اليوم عن انتهاء تعاقدي مع شبكة قنوات CBC.. الخبر ده مش سهل يتكتب في سطرين لأن CBC مكانتش مجرد شاشة بطلع منها دي كانت بيتي التاني".

وأضاف مراد مكرم: "من أول يوم دخلت فيه المكان وأنا حاسس إني وسط عيلة حقيقية بتشتغل بحب باحترام وبإيمان إن اللي بنقدمه للناس لازم يكون نابع من ضمير حقيقي ومسئولية.. بحب أشكر كل حد اشتغلت معاه قدام الكاميرا ووراها من إدارة إعداد إخراج فريق إنتاج زملاء ومذيعين.. كل شخص ساهم في تجربة عمر وكل شخص علمني حاجة حتى من غير ما يقصد كان فيه دعم وكان فيه احترام وده أغلى حاجة ممكن تطلع بيها من مكان".

واستكمل مراد مكرم: "أغلق صفحة مهمة في حياتي المهنية وأنا ممتن لكل لحظة فيها ومتطمن أن اللي جاي مكمل على اللي فات بخبرة أكبر وقلب هادي ونية صافية".