«العين تعمل أكتر من كده».. رسالة دعم من فيفي عبده لـ شيرين| فيديو

حرصت الفنانة فيفي عبده على دعم شيرين عبد الوهاب بعد تداول أنباء عن دخولها في حالة اكتئاب شديدة وإصابتها بإلتهاب رئوي حاد، برسالة مؤثرة.

وقالت فيفي عبده من خلال فيديو نشرته، عبر حسابها الشخصي على موقع التواصل الاجتماعي إنستجرام: "أنا بحبك أوي يا شيرين وأنتي جدعة وبنت بلد قومي وارجعي لجمهورك الجمهور بينسي كل حاجة وحشة".

وأضافت فيفي عبده: "عاوزاكي تبقى قوية وترجعي عشان بناتك وجمهورك وأنا لو مش ورايا شغل كنت جيت وأقعد تحت رجلك وأخلي بالي منك واطلعك من اللي أنتي فيه بس اقبليني وأنا أجيلك".

واختتمت: "العين بتعمل أكتر من كده يا شيرين خليكي قوية قومي متستسلميش ومتخليش حد يكسرك محدش يستاهل أنه يكسرك أنتي مطربة جامدة وجمهورك بيحبك الفن ميتعوضش.. ادعوا لشيرين".

هجوم شقيق شيرين على نقيب المهن الموسيقية ونقيب الممثلين

جدير بالذكر أن محمد عبدالوهاب شقيق الفنانة شيرين عبدالوهاب شن هجومًا حادًا على نقيب المهن الموسيقية ونقيب الممثلين، من خلال منشور عبر حسابه الشخصي بموقع “فيس بوك”، معربًا عن استيائه من ظهورهما الإعلامي فقط وقت الأزمات، على حد تعبيره، مطالبًا بترك شقيقته في هدوء حتى تتعافى.

وقال شقيق شيرين عبدالوهاب: “ليه حضرتكم مبتظهروش غير لما يكون في حاجة؟ وليه مش بتسألوا عليها في الأيام العادية طالما أمرها يهمكم قوي كده؟ خلاص بقى كفاية متاجرة، ارحموها”.

ووجّه شقيق شيرين عبدالوهاب رسالة مباشرة إلى الصحفيين والإعلاميين والمعدين، مطالبًا بعدم التواصل معه، مؤكدًا أنه لن يجري أي مداخلات أو حوارات خلال الفترة المقبلة، قائلاً: “كلكم عايزين ريتش وترند فقط، ليه محدش بيكتب لها كلمة حلوة والدنيا هادية من غير أزمة؟، حالتها تصعب على الكافر، ومحتاجة هدوء علشان تعرف تتعافى، وأي كلام بيتقال عنها بيأثر عليها”.

واختتم حديثه بتحذير واضح، مؤكدًا أنه تحدث باحترام، لكنه سيلجأ للقانون حال استمرار التدخلات، مضيفًا: “مفيش أي حد ليه الحق يتكلم أو يكتب عن شيرين، أيًا كانت صفته… الكلام للكل”.

تعليق صادم من تامر حسين على أزمة شيرين

وعلّق الشاعر تامر حسين على أزمة الفنانة شيرين عبد الوهاب، وذلك عبر حسابه الشخصي على موقع التواصل الاجتماعي «إكس».

وقال تامر حسين: "بعيدًا عن المتاجرة والمزايدة في محبة شيرين اللي عايزلها الخير يناشد الدولة أنها ترعاها وشيرين تفضل تحت عينيهم مش أقل من 6 شهور على التوالي وفي مستشفيات خاصة للدولة مش برعاية زملا أو أصدقاء مهما كانوا قريبين لا يستطيعون الرعاية الطبية الشاملة".

وأضاف تامر حسين: "مش هيقدروا على شيرين لو زهقت وعازت ترجع بيتها هي محتاجة رعاية شديدة ورقابة بمنع أي حد من القرب منها إلى أن تتعافى وتقوم بألف سلامة غير كده هنلف في نفس الدايرة ودي نصيحة خالصة لوجه الله ومن محبتي في إنسانة طيبة وغالية علينا جميعاً محدش هيقوم شيرين من اللي هي فيه غير شيرين والدولة فقط وربنا أولاً وأخيراً".