«كلنا بنغلط».. محمد صلاح العزب يعلق على اعتذار بيومي فؤاد لمحمد سلام
تحدث المؤلف محمد صلاح العزب، عن اعتذار الفنان بيومي فؤاد لصديقه محمد سلام، موضحاً أن الله عز وجل يغفر الأخطاء ويعطي أكثر من فرصة للتسامح.
وكتب محمد صلاح العزب عبر حسابه الرسمي بموقع فيسبوك: «مش لازم كل الناس تبقي زي بعض، ولا لازم كل الناس تتصرف بنفس المنطق ولا كل الناس تحسب نفس الحسابات».
رسالة بيومي فؤاد لـ محمد سلام
وتابع: «بيومي فؤاد اتحاكم واتحاسب واتجلد كتير أوي وكذلك محمد سلام كل واحد من ناحية، ربنا عز وجل بيسامح، وكلنا بنغلط وكلنا نستحق نتسامح وناخد فرص تانية وتالتة ورابعة».
وكان الفنان بيومي فؤاد، اعتذر للنجم محمد سلام بسبب خلافهما السابق، حيث قال في تصريحات لبودكاست شقة التعاون الذي يقدمه الفنان حسام داغر، قائلاً: «الناس مالهاش غير الظاهر، والظاهر بالنسبة لهم إني واحد طالع ببيع صاحبي، ولا هم عارفين مين ده ولا عارفين إحنا عاملين إزاي، أنا على فكرة مابقولش الكلام ده عشان الناس ترحمني، لغاية دلوقتي ناس بتقول على بيومي فؤاد رخيص.. أنا أقسم بالله لا بقرا ده ولا بعمل ده ولا عندي سوشيال ميديا خالص وطالبت وقتها من اللي ماسكين صفحاتي يقفولها، بس اكتشفت بعدين أن ده رزقهم».
بيومي فؤاد: حقك عليا متزعلش مني
وتابع: «اللي حصل وقتها هو أتصل بينا واعتذر عن استكمال المسرحية واتقبل اعتذاره وكان خلص الموضوع، لكن اتفأجنا انه نزل فيديو، كلمته وقلتله أنت اعتذرت وإحنا قبلنا الاعتذار يا سلام، بس احذف الفيديو ده، قالي لأول مرة هقولك أسف مش هشيله، قولتله براحتك يا ابني».
نفسي أشوفك في مسلسل برمضان
وأضاف: «اللي ضايقني إني شوفت محمد سلام دافع عن ناس تانية في أزمات كتير وطلع دافع عن أمير كرارة وغيره، ومطلعش يدافع عن محمد أنور، رغم إن ده اختياره يكون بديل له، وأنا عاوز أقوله نفسي أشوفلك حاجة في رمضان السنة دي، ربنا يوفقك يا رب وربنا يصلح الحال، وأنا عارف معدنك.. وربنا يعدي المسألة دي على خير».
وأختتم: «وإنت تعلم مين بيومي فؤاد كويس أوي، وربنا يوفقك ويا رب تكسر الدنيا، ولو زعلان مني يا ابني أنا أسف، لو أنا ضايقتك في أي حاجة وأنا مش عارف أقولك أنا أسف والله العظيم».