«الناس قالت عليا رخيص».. أبرز تصريحات بيؤمي فؤاد عن أزمته مع محمد سلام
تصدر الفنان بيومي فؤاد، مؤشر البحث “جوجل” خلال الساعات الماضية عقب اعتذاره للنجم محمد سلام في تصريحات لـ"بودكاست شقة التعاون" الذي يقدمه الفنان حسام داغر، متنمياً أن يشارك في مسلسل خلال رمضان المقبل، كاشفاً عن الأزمة التي حدثت بينهما.
ونرصد أبرز تصريحات بيومي فؤاد في السطور التالية:
تصريحات بيومي فؤاد عن محمد سلام
-الناس مالهاش غير الظاهر والظاهر بالنسبة لهم إني واحد طالع بابيع صاحبي.
-أنا على فكرة مابقولش الكلام ده عشان الناس ترحمني.
-لغاية دلوقتي ناس بتقول على بيومي فؤاد رخيص.
-أنا أقسم بالله لا أقرأ ده ولا باعمل ده ولا عندي سوشيال ميديا خالص.
-طالبت وقت الأزمة من اللي ماسكين صفحاتي يقفولها بس اكتشفت بعدين إن ده رزقهم.
-اللي حصل وقتها محمد سلام اتصل بينا واعتذر عن استكمال المسرحية واتقبل اعتذاره
-اتفاجئنا إنه نزل فيديو كلمته وقلتله إنت اعتذرت وإحنا قبلنا الاعتذار يا سلام بس احذف الفيديو ده.
- قالي لأول مرة هاقولك أسف مش هشيله قولتله براحتك يا ابني.
بيومي فؤاد لمحمد سلام: أنا أسف لو أنا ضايقتك في أي حاجة
-اللي ضايقني إني شوفت محمد سلام دافع عن ناس تانية في أزمات كتير وطلع دافع عن أمير كرارة وغيره.
-مطلعش يدافع عن محمد أنور رغم إن ده اختياره يكون بديل له.
-عاوز أقوله نفسي أشوفلك حاجة في رمضان السنة دي.
-ربنا يوفقك يا رب وربنا يصلح الحال وأنا عارف معدنك.
-وإنت تعلم مين بيومي فؤاد كويس أوي وربنا يوفقك ويا رب تكسر الدنيا.
-لو زعلان مني يا ابني أنا أسف لو أنا ضايقتك في أي حاجة وأنا مش عارف أقولك غير أنا أسف والله العظيم.