بالورود ورسالة رومانسية.. عصام صاصا يعتذر لزوجته على شاطئ البحر

شارك المطرب الشعبي عصام صاصا، جمهوره، مطقع فيديو يعتذر من خلاله لزوجته برسالة رومانسية، مشيرًا إلي أنها تحملت الكثير خلال مشواره، وفعلت من أجله الكثير.

ونشر عصام صاصا الفيديو عبر صفحته الرسمية بموقع “إنستجرام” وكتب: "أنا مش هقدر أقول غير أن الفيديو بيقول كل حاجة، كل سنة وأنت أحلي حاجة ف دنيتي وكل سنة وأنت معايا يا أحلي حاجة ف الحياة كلها، بحبك حب محبوش حد لحد قبل كدا"

وخلال الفيديو ظهر عصام صاصا يحمل باقة زهور قبل مفاجأة زوجته على شاطئ البحر، قائلا: “اللي أنا بعمله مش هيكفي 1% من أي حاجة من اللي هي عملتها معايا، الست دي أنا جيت عليها فوق خيال أي حد، استحملتني وشالتني مش بقول كده عشان أي حاجة دي حاجة بسيطة مش هتساوي أي حاجة من اللي عملته معايا في حياتي”.

تعليق جهاد زوجة عصام صاصا على اعتذاره 

وعلقت جهاد على الفيديو، قائلة : “استحملك واشيلك العمر كلو دا أنت حياتي بجد أحنا كبرنا سوا وعملنا حجات كتير أووي مع بعض وعدينا بحجات وحشة كتير أنا بس عيزاك صاصا حبيبي الحنين ومفيش أي حاجة تغيرك أنت أبويا محبش أشوفك كده".

وأضافت جهاد زوجة عصام صاصا، قائلة "لو شوفتك بتصور كده كنت بوظت التصوير ومش فارقلي الناس وكلامهم أنت إلاى فرقلي إللى بينا كبير اوووي ويستاهل اني استحملك مهما عملت”.

وتابعت: “أنا بحبك وأنت عارف حقك عليا أنا خليتك تعمل ڤديو زي دا انت سيد الناس ربنا يخليك ليا ولي ابنك ونفضل مع بعض لآخر العمر والله من امبارح أصلا وانا فرحانه كان بقالي كتير مفرحتش بجد وشكرا على المفاجأة إلى مش هيجي اغلي واحلي منها تاني هيفضل ذكري اليوم دا محفوره في قلبي لي آخر عمري”.

عصام صاصا يكشف آخر تطورات حالته الصحية بعد إصابته في قدمه

كشف مطرب المهرجانات عصام صاصا، أخر التطورات لحالته الصحية عقب إصابته بجروح بالغة في قدمه ويده والتي تسببت في إلغاء حفله الأخير الذي كان من المقرر إقامته أمس الثلاثاء.

عصام صاصا: يا رب ما أشوف حاجة وحشة في حد

وكتب عصام صاصا عبر خاصية القصص المصورة بحسابه الرسمي بموقع تبادل الصور والفيديوهات القصيرةالشهير بـ إنستجرام: «حبايبي وإخوتي الله يسلمكوا جميعًا، ويا رب ما أشوف حاجة وحشة في حد.. بحبكوا».

وأصيب مطرب المهرجانات عصام صاصا، بجروح خطيرة وعميقة في القدم والأيد، دون الكشف عن أسباب الإصابة.

تفاصيل إصابة عصام صاصا بجروح في القدم والأيد

وشارك عصام صاصا، جمهوره ومتابعيه بصورة من الإصابة الخطيرة، عبر حسابه الشخصي على منصة انستجرام، معلنًا إلغاء حفله، حيث كتب قائلًا:" الحمدلله على كل شي.. نأسف لعدم حضوري حفلة ذا بيتش اليوم بظروف خارجة عن إرادتي وعن لإرادة المكان".

أغنية «عنبر عنبره على نفسيتي المدمرة»

وكان طرح عصام صاصا، مؤخرًا، أحدث أغانيه الجديدة، التي تحمل اسم «عنبر عنبره على نفسيتي المدمرة»، والتي احتلت المركز الأول في قائمة تريندات يوتيوب، بعد 3 أيام فقط من طرحها عبر قناته الرسمية على يوتيوب، والأغنية من كلمات عصام صاصا وعبده روقة، وتوزيع كيمو الديب.

وجاءت كلمات أغنية «عنبر عنبره على نفسيتي المدمرة» لـ عصام صاصا كالتالي:- صبح اعمنا على كل اللي بيحبنا عايشين بنزاهة في الدنيا كبيرنا ربنا عنبر امساجين أنا جاي وربنا المعين حاطين على التخين جوة وبرة مسمعين دنيا نفسنة والخلق مش حنينة شغل المسجنة مياكلش معانا يا عمنا جمع شلتك متخافش مش هنموتك بس هنخبطك خبطتنا ياض هتسيطك مصدر الشغب أنا لما جيت كله اترعب عايش بالادب وعمري مرة ما بتغلب يلا قابلوا واوعدكم مش هتستحملوا نصكوا يتخبط والنص التاني هقتله شادد أجزائي بضرب ضرباتي مش عشوائي قلبي أنا فدائي على عمري معدتش أنا باقي عنبر عنبره على نفسيتي المتدمرة بدلة مزهرة وساعات عمري متأخرة عمري ماعيشتوش ما هو عدى في ضيقة ماشوفتوش خلق على فاشوش في زيارتي الأحباب ماجوش".