فرح الموجي تطرح أغنيتها الجديدة "مالي عيني"| فيديو

طرحت المطربة فرح الموجي أغنيتها الجديدة التي تحمل اسم "مالي عيني"، وذلك عبر حسابها الرسمي بموقع الفيديوهات الشهير "يوتيوب"، بالإضافة إلى عدد من المنصات الموسيقية الرقمية.

وأغنية "مالي عيني" لـ فرح الموجي من كلمات حسام سعيد، وألحان أحمد جمال.

ونرصد لكم من خلال موقع "إيجبتك" كلمات الأغنية كالتالي:-

كلمات أغنية “مالي عيني”

"لو ع الكلام مافيش أكتر منه

بس المهم القلب فيه إيه

وحبيبي مهما أتكلم عنه

صعب أوصف اللي ف قلبي أنا ليه

فيه حاجات كتير تتقاس في الدنيا

وأنا حبي ليه عمره ما يتقاس

دنا مهما شافت عيني ناس تانيه

بشوفه دايما أحلى الناس

ده مالي عيني .. ومكفيني

ومريحني ومهنيني

ومعاه أنا يوم عن يوم بطلع قدام

ده نور عينيا .. وأغلى ما ليا

وطول ما نفسه بخير حواليا

هتمنى إيه تاني 

وأطلب إيه من الأيام

دايما غلاوته في قلبي بتكبر

وحبه بيزيد بالأيام

و غيبته عمري عليها ما بقدر

ف غيبته عمر العين ما تنام

ده هو عيني اللي بشوف بيها

وهو قلبي اللي بعيش بيه

ومستحيل خطوه أخطيها

من غير ما إيدي تكون ف إيديه"

أحمد جمال يوثق رحلة شهر العسل برفقة زوجته فرح الموجي

وعلى جانب آخر، احتفل المطرب أحمد جمال بزفافه على المطربة فرح الموجي يوم السبت 26 أكتوبر بأحد الفنادق الكبرى بالقاهرة، وذلك بحضور عدد كبير من نجوم الفن.

وتم عقد قرانهما وحرص الثنائي خلال حفل زفافهما على تقديم ديو غنائي جمعهما سويًا، وأشعل الثنائي الأجواء حيث قام الحاضرون بالحفل بالغناء معهما والتصفيق لهما، فيما حضر المطرب حودة بندق الحفل.

زواج أحمد جمال وفرح الموجي

وحرص عدد من النجوم على حضور حفل زفاف المطرب أحمد جمال وزوجته فرح الموجي مثل الإعلامية بوسي شلبي ومحمد العمروسي وزوجته المطربة مي فاروق، هاني رمزي، جنات، رامي صبري، شيماء سيف، مصطفى كامل، مينا عطا، رنا سماحة، محمد شاهين.

وكان أحمد جمال قد وجه رسالة إلى جمهوره عبر حسابه الرسمي بموقع “إنستجرام”، في أول تعليق له على زواجه من فرح الموجي، حيث وجه رسائل لكل أصدقائه وكل من شاركه فرحته بزواجه، حيث نشر مجموعة صور من جلسة التصوير الخاصة بحفل الزفاف وكتب: "الحمد لله بفضل ربنا أتممت زواجي على حبيبتي ونصي التاني اللي اختارها قلبي فرح الموجي في يوم كان كله فرح فعلًا وسط أصحابي وأهلي وحبايبي".

وتابع أحمد جمال: "بشكر كل الناس اللي تعبت معايا اليوم ده شكر كبير أوي وحقيقي عرفت غلاوتي عندكم، شكرًا لكل حد شارك في تجهيزات الفرح وفي اطلالتنا وفي تصويرنا وفي كل تفصيلة حصلت".

أحمد جمال يحتفل بعيد ميلاد فرح الموجي

واحتفل المطرب أحمد جمال  بعيد ميلاد زوجته المطربة فرح الموجي، وذلك عقب مرور أيام قليلة من حفل زفافهم، حيث جمهوره بصورة له عبر "إنستجرام"،  على أغنيته "كل سنة وأنت طيب".

 وعلق أحمد جمال قائلا: "فرحنا كان يوم 10/25، وعيد ميلادك النهاردة 10/27 أول عيد ميلاد وإحنا مع بعض في بيتنا، كل سنة وأنتي طيبة يا أجمل بنت في الدنيا، ربنا يخليكي ليا، ويقدرني أسعدك طول العمر".