لقاء الخميسي تضع رضوى الشربيني على قائمة «التريند»
تصدرت الإعلامية رضوى الشربيني تريند منصة “إكس” بعد تعليقها الأخير على أزمة الفنانة لقاء الخميسي وزوجها لاعب منتخب مصر وحارس مرمى نادي الزمالك السابق محمد عبد المنصف.
وقالت رضوى خلال برنامجها “هي وبس”: “لقاء الخميسي مستمرة في زواجها، وبتقول أنا مش ست بتاعة طلاق، ومش من أول حاجة غلط عملها، هاقف له عليها، وأنا اتربيت في أسرة وعيلة، بتقول إننا نسامح وإني أغفر له”.
وتابعت: “قالت لقاء الخميسي إن عبد المنصف عمل لي حاجات كتير أوي في 21 سنة زواج، وكل ده بيقول إني أقعد معاه وأعتب عليه، لكن منوصلش للطلاق، ومفيش أي تعليق على الخبر، لأن عبد المنصف زوجته سامحته وعاوزة تكمل وقالت هاحافظ على بيتي وأولادي”.
«الدنيا دوارة».. رسالة نارية من ريهام سعيد لـ إيمان الزيدي بعد أزمة «لقاء»
كانت الإعلامية ريهام سعيد قد حرصت على دعم الفنانة لقاء الخميسي بعد إعلان الفنانة إيمان الزيدي انفصالها عن لاعب منتخب مصر وحارس مرمى نادي الزمالك السابق محمد عبد المنصف بعد زواج سري دام لأكثر من 7 سنوات رغم زواجه من الفنانة لقاء الخميسي.
وكتبت ريهام سعيد، عبر حسابها الشخصي على موقع التواصل الاجتماعي فيسبوك: "أنا شايفة أن الناس الي بتتجوز زواج صحيح تعلن و هي بتتجوز و مش هي بتطلق عشان تتشهر و تخرب بيت فيه عيال و بتجرح و احده مالهاش ذنب في حاجه غير أن جوزها خاين لأنه ماقالهاش.. شايفة كمان أن الي عاش و كان قابل يعيش في الضلمه وهو عارف أنه متجوز حد متجوز و مراته مش عارفة وأن شرط الجواز الحلال الإشهار يبقي لا تعليق.. الدنيا دوارة و حقك راجع".
تعليق محمود سعد على الزواج الثاني بدون علم الزوجة
جدير بالذكر أن الإعلامي محمود سعد أكد، خلال فيديو له عبر حسابه على موقع التواصل الاجتماعي «إنستجرام»، أنه ضد إخفاء الزواج الثاني للرجل على الزوجة الأولى، مشيراً إلى إنه جائز شرعاً ولكنه قهر للزوجة الأولى وأنه لا يرضى بذلك.
وقال محمود سعد:"الجواز التاني مسموح به جداً ولكن لازم الزوجة توافق.. مفيش جواز تاني من غير ما الزوجة ما تعرف لا أؤمن بيه على الإطلاق ولا أدافع عن صاحبه أبداً لازم الزوجة تعرف.. توافق هي حرة ترفض هي حرة إنما جو عبد السميع مات وتدخل في العزا مراته التانية ولا التالتة معرفش أزاي الزوجة والأولاد يبقوا عايشين مع راجل خداعهم هذا الخداع الكبير أوي ده".
وأضاف محمود سعد:"لازم الزوجة الأولى توافق لو وافقت خلاص هي حرة براحتها إنما متعرفش أو قهراً لا أنا مبعترفش بالحاجات دي خالص هو جواز شرعي وكل حاجة بس لازم الزوجة متبقاش في الطراوة يعني".