«زعلانة منك».. سبب تصدر آيتن عامر مؤشر البحث جوجل
تصدرت النجمة آيتن عامر، مؤشر البحث جوجل منذ وقت قصير، وذلك بعد نشرها صورة تجمعها بوالدها الراحل عن طريق الذكاء الإصطناعي موجهه رسالة له، أكدت فيها مدى إشتياقها الشديد له.
ونشرت آيتن الصورة عبر حسابها الرسمي بموقع "انستجرام"، وكتبت: "وحشتنى أوي وحقيقي محتاجالك، الدنيا مش حلوة يا بابا ولا الناس كمان ، كل مرة بتحط في اختبار صعب أو أزمة مفيش حد بيجيي في دماغي غيرك ".
آيتن عامر تتصدر ترند جوجل
وأضافت: "أول واحد بيبقى نفسي أجرى عليه وأقوله الحقني بيبقى أنت، وجودك كان هيفرق أوي أوي، يمكن عمري ما قولت إن غيابك مسببلي أزمة كبيرة ولا قولت اللي جوايا، بس هييجي يوم وأبقى قوية كفاية أني أواجه وجع قلبي وأطلع كل الكلام اللى جوايا ومقولتهوش".
وأكملت: "زعلانة منك في حاجات ومفتقداك في حاجات أكتر بكتير ، ومتأكدة أن لو كنت موجود كنت هتبقى السند بس غيابك خلاني أنا السند لنفسي وللى حواليا كمان، لأن فيا منك كتير خصوصا قوتك وجدعنتك مع الكل، بس أنا تعبت من كتر القوة و زهقت مبقتش عايزة أدخل حروب ولا عايزة مشاكل".
رسالة آيتن عامر لوالدها
وتابعت: "اللي عايز يفهم حاجة يفهمها واللي عايزة ياخد فكرة ياخدها لا هبرر ولا هدافع ، بس اتطمن بنتك بميت راجل ومهما قابلت هتفضل واقفة وراسها في السما هتاخد استراحة محارب وعمرها ما هتبدأ حروب بس دايما هتكون مستعدة وجاهزة لأي حاجة وساعتها مش هيكون في احتمالية للخسارة ".
وأتمت: "بحبك و وحشتنى و زعلانة منك و مشبعتش منك و جوايا وجع كبير بس مش هقولك غير كلمة واحدة، اتطمن بنتك قدها، آسفة لو طولت عليكوا شكلي فضفضت أوي".
آخر أعمال آيتن عامر الدرامية
وكان آخر أعمال آيتن عامر الدارمية، مسلسل “الحلانجي”، الذي عرض في موسم دراما رمضان الماضي لعام 2025، وتكون العمل من 30 حلقة، وقام ببطولته الفنان محمد رجب، ولاقي العمل تفاعلًا واسعًا من الجمهور وقت عرضه.
وضم مسلسل “الحلانجي” إلي جانب محمد رجب، كل من أيتن عامر، عبير صبري، دانا حلبي، محمد لطفي، أحمد وفيق، محمود قابيل، طارق صبري، ميمي جمال، سامح الصريطي، إيناس النجار، وإبراهيم السمان وغيرهم من نجوم الفن، والعمل من تأليف محمود حمدان، إخراج معتز حسام، وإنتاج ممدوح شاهين.
ودارت أحداث مسلسل “الحلانجي" في إطار اجتماعي لايت، ظهر خلاله محمد رجب بشخصية طه وهو نصاب وقدمت ميمي جمال شخصية والدته، بينما ظهر محمود قابيل بشخصية رجل أعمال، ويدم عمرو رجب شقيق محمد رجب شخصية رجل شرير اسمه حماده سبرتو، وحمل العمل مفاجآت عديدة.
