موعد مباراة الأهلي ضد الزمالك اليوم في نهائي دوري المرتبط
يلتقي الفريق الأول لكرة الطائرة سيدات بالنادي الأهلي، اليوم الأحد نظيره الزمالك ضمن الجولة الأخيرة من الدورة المجمعة لتحديد بطل دوري المرتبط.
وتقام المباراة على صالة حسن مصطفى في الساعة الثامنة مساء، ويلعب فريق المرتبط تحت 15 عام مع الزمالك الساعة الثالثة عصرًا.
ويتصدر الأهلي الدورة المجمعة برصيد 8 نقاط ويحتاج إلى فوز فريق المرتبط على الزمالك للتتويج رسميا بدوري المرتبط للمرة الأولى.
وعقد البرازيلي باولو ميلاجريس، المدير الفني جلسة مع اللاعبات للتأكيد على خطة اللعب ودراسة نقاط قوة وضعف الزمالك.
وكان سيدات طائرة الأهلي قد فاز على المقاولون العرب بنتيجة 3-0 في المباراة الماضية من نهائيات دوري المرتبط.
شوبير يكشف عن صدمة مدوية بشأن صفقات الأهلي بالميركاتو الشتوي
علق الإعلامي أحمد شوبير، على مطالبات جماهير النادي الأهلي، عبر منصات التواصل الاجتماعي، بإبرام صفقات قوية خلال فترة الانتقالات الشتوية الجارية.
وقال شوبير في تصريحات إذاعية: "في عفريت كده موجود خصوصًا عند جماهير الأهلي، يقولك الصفقات، والحقيقة أنا هتكلم بأمانة ومحدش يزعل مني، للأسف دائمًا الإدارة بتبقى مستجيبة للضغط ده، الضغط الزيادة الكبير على الإدارة بيخليهم شوية مجانين، هات ده وودي ده، رغم إنك عارف احتياجاتك كويس".
وواصل:" مهما كان في ضغط من السوشيال ميديا أو من بعض الزملاء في البرامج أو الصفحات، إنت عارف إنت عايز إيه، أنا بقعد مع المدرب، المدرب يقول لي كذا، خلاص بشتغل على كذا، عندي فريق بيشتغل على ده، مش محتاج لفه وزيطة كتير، تخطيط يروح لمدير الكرة ومدير رياضي، كله يقعد في قعدة واحدة وتخلص الليلة، لو جبت 6 صفقات في بداية السنة و6 في نص السنة، يبقى جبت 12 لاعب".
وتابع :" طب واللاعيبة اللي كسبتك قبل كده راحوا فين؟ الموضوع محتاج شوية منطق وعقل، الفلوس مشكلة، ومش زي ما إنت متخيل إن فلوس الأهلي مرمية تحت الرجلين، الأهلي بيدور على لاعب بمليون ونص دولار، وانت فاكر الفلوس دي سهلة؟ الأهلي خسر حوالي 8 مليون دولار بسبب عدم الفوز بدوري أبطال أفريقيا وعدم المشاركة في الإنتركونتيننتال".
وأردف:" دلوقتي الأهلي شغال على الرعايات والعضويات، لكن العضويات ما بقتش زي الأول، في مصاريف وبطولات ومكافآت كتير جدًا، سيد عبد الحفيظ رجع من الباب الكبير، مش راجع يهرج، راجع يشتغل، وسيبوه يشتغل".
وشدد :" مفيش حاجة اسمها ياسين منصور يفتح خزنة ويطلع مليون دولار، كل حاجة ليها دراسة".
