ماذا قالت سالي عبدالسلام لجمهورها بعد إعلان حملها؟

تصدر اسم الإعلامية سالي عبدالسلام تريند محركات البحث جوجل ومواقع التواصل الاجتماعي، بعدما أعلنت عن حملها، ووجهت الشكر لكل متابعيها الذين هنأوها بهذه المناسبة.

وقالت سالي عبدالسلام، عبر خاصية القصص القصيرة بحسابها الرسمي بموقع تبادل الصور والفيديوهات "إنستجرام": "مش مصدقة كل الحب ده والرسايل الحلوة اللي جاتلي بمجرد ما أعلنت خبر حملي".

واستكملت "عبدالسلام"، قائلة: "جاتلي رسايل كتير حلوة بشكل ما يتصدقش وفوق الخيال جدا، بشكر كل اللي فكر يبعتلي تعليق أو رسالة يهنيني فيها، شكرا على الحب ده".

بعد إجهاض توأم.. "السوشيال ميديا" تبكي سالي عبدالسلام بعد نبأ سار

علقت الإعلامية  سالي عبد السلام على حملها لأول مرة بعد أن أجهضت سابقا، موضحة أنها ظلت لسنوات طويلة لكي يرزقها الله بالحمل، مطالبة محبيها بالدعاء لها حتى تضع جنينها على خير.

ونشرت مقطع فيديو عبر حسابها الشخصي بموقع التواصل الاجتماعي “فيسبوك”: «بسم الله نبدأ 2026 ببركة ورزق وهبة من الله، أنا من زمان نفسي إني أحط فيديو على الأغنية دي أوي والله! أنا من امبارح عايزة أعيط من جمالكم بجد، أنا شوفت دعوات عمري ما شوفتها في حياتي.. شكرا من قلبي».

حمل الإعلامية سالي عبدالسلام

وتابعت: «كل اللي حواليا قالولي متقوليش.. اسكتىي قولي لما تولدي بس حقكم تعرفوا! حقكم إنكم تعرفوا دعواتكم اللي شوفتها وسمعتها أو اتقالتلي في وشي إن ربنا كرمني بيها وبكل واحد فيكم وده سر قوتي وعمري ما بانسى، لما الناس بتقولي اشمعنى انتي بيدعولك أو بيحبوكي بخاف أتحسد عليها، آه دعوات الناس تغير الأقدار ومستجابة أكتر من دعواتي لنفسي لو قولتلكم إني استنيت دوري سنين عشان ربنا يرزقني الرزق والهبة دي عارفة إنكم هتصدقوا».

وأضافت: «الحمد لله خسرت توأم بس ليا بيتين في الجنة وبدعواتكم ربنا كرمني وهيكرمني وهيكملها على خير وهيبقى معايا زينة الحياة الدنيا واللي يوهبه رضا أيا كان، عايزة دعوات كتير أوي أكتر من الدعوات اللي فاتت والله عشان الطريق مش سهل وكل شوية يحصل حاجة تصعب المشوار ومضاعفات وكل شوية أخاف أكتر، أضعاف ما دعيتم وتمنيتم يارب، ربنا يرزق الجميع».

وفي وقت سابق طمأنت الإعلامية سالي عبد السلام، جمهورها بعد ما نشرت على “فيسبوك” تفاصيل تعرضها للصعق الكهربائي عقب تعرض منزلها للغرق. 

غرق منزل الإعلامية سالي عبدالسلام

وقالت سالي عبد السلام في تصريح لـ"إيجبتك": "أنا كويسة وبخير الحمد الله، المياه غرقت البيت واتكهربت".

ووجهت رسالة لمتابعيها عبر حساباتها الشخصية عبر مواقع التواصل الاجتماعي عب مقطع فيديو نشرته، وجاء نص الفيديو: "بيتي غرق بسبب انفجار ماسورة مياه ومسكت المشترك حاولت أقفل الكهرباء فاتكهربت.. ولما صوّت قفلوا سكينة الكهرباء فورا.. اوعوا يبقا فيه مياه وتقربوا من الكهرباء وخدوا بالكم من الغاز كمان وربنا يسترها".