نشرة فن «إيجبتك»|رسالة تامر حسني لجمهوره وحادث منصور هندي

يقدم موقع "إيجبتك" ضمن الخدمات الإخبارية اليومية نشرة أخبار الفن، الثلاثاء 30 ديسمبر، والتي تتضمن العديد من الأخبار والأحداث الفنية، على النحو التالي:-

منصور هندي يجري عملية جراحية بعد تعرضه لحادث أليم| تفاصيل

تعرض منصور هندي، عضو نقابة المهن الموسيقية، أمس إلى حادث أليم بعد أن اصطدمت سيارته بأخرى، وتدهورت حالته ممما استدعى دخوله إلى السمتشفى لإجراء عملية جراحية على الفور.

تامر حسني يوجه نصيحة لجمهوره: "متضيعش دقات قلبك على حاجات متستاهلش"

وجه الفنان تامر حسني بعض الكلمات كنصيحة لجمهوره ومتابعيه، ليحثهم على عدم استهلاك طاقتهم ومشاعرهم على أشياء لا تستحق، مؤكدًا أن ما نفقده في حياتنا لا يمكن أن يعود.

وكتب تامر حسني عبر حسابه الرسمي بموقع التواصل الاجتماعي "فيس بوك": "سمعت تحليل عظيم أحب أنقلهلكم جايز يفيدكم بس ركزوا فيه جدا، ربنا سبحانه وتعالى بيخلقك ويديك هدية 5 مليار دقة قلب مثلا، لو هتعيش لـ 75 سنة أو 80، شوف بقى أنت ضيعت منهم 2 مليار ونص، وطبعا كلامي على المواقف اللي في إيدينا نغيرها، وتيجي بعد شوية تقول لنفسك إيه ده؟!!".

واستكمل تامر حسني منشوره، متسائلًا: "هل المواقف اللي عيشتها دي كانت مستاهلة أضيع عليها من عمري كل الدقات دي؟!، فأنت/ي من دلوقت قولوا لنفسكم، هل القصة دي أو الزعل ده أو المشكلة دي هتاخد من حياتي مثلا 20 ألف دقة قلب.. هل تستاهل؟!".

رسالة تامر حسني لجمهوره

وتابع منشوره قائلًا: "المقصود إنك متضيعش عمرك ودقات قلبك على حاجات متستاهلش، الدقات اللي بتروح مبترجعش تاني، دايما بقول إن اللي صاحي دلوقت والكلام وصله.. بعدين يبقى فعلا محتاج يسمع الكلام ده عشان يتقدم أو يغير في نفسه لأن فيحاجات حلوة مستنياه وميبصش للماضي، عشان محدش هيعرف يمشي لقدام وهو باصص لورا أكيد هيقع أو هيمشي غلط".

واختتم تامر حسني منشورة موجهًا نصيحة لجمهوره: "بص قدامك ركز في ورقتك وحالك مش حال الناس، مستنيك نجاح كبير روحله ومتضيعش وقتك ودقات قلبك في حاجات متستاهلش".

آية عبد الحميد تستعيد ذكرياتها مع والدها بكلمات مؤثرة.. "قلبي واجعني"

استعادت خبيرة التجميل آية عبد الحميد ذكرايتها مع والدها الراحل الماكيير محمد عبد الحميد، وذلك بعد وفاته خلال الأيام الماضية، معبرة عن اشتياقها الكبير له ولوجوده في حياتها.

ونشرت آية عبد الحميد صورة لها برفقة والدها الراحل، عبر حسابها الرسمي بموقع تبادل الصور والفيديوهات "إنستجرام"، وكتبت، معلقة: "وحشتني أوي يا بابا، بصحى كل يوم قلبي واجعني أكتر من اللي قبله، ربنا يرحمك ويصبرنا على فراقك الأصعب من أي شيء".

رانيا فريد شوقي تكشف عن سبب غيابها على الشاشة: "إحنا مش في أحسن حالة| خاص

كشفت الفنانة  رانيا فريد شوقي عن سبب غيابها عن الساحة الفنية، مؤكدة أنها لا تملك مساحة كبيرة، وأن الاختيار عادة ما يكون على حسب الطلب.

وقالت رانيا  في تصريح خاص لموقع «إيجبتك» إن اختيارها للأدوار يكون في الغالب على حسب المتاح، مضيفة: “ماعنديش مساحة كبيرة إني أختار ومش بيتكتب لي أعمال، المتاح بقيس عليه.. هل هيعجب الناس؟.. وبيكون في معايير كتير جدًا”.

وأضافت: “الموضوع عرض وطلب، ومن العيوب الموجوده في الوسط الفني ومعظم المجالات إن مفيش خطة، إيه ممكن يتعرض وإيه ممكن يتكرر”.

أما عن داوود عبد السيد، قالت رانيا فريد شوقي إن المخرج الراحل داوود عبد السيد، ترك العديد من الأعمال السينمائية المتميزة، وقدم أعمال مختلفة عن مخرجين آخرين وكان  له بصمته، مضيفة: “داوود ابتعد فترة كبيرة عن الفن لأن المجال مكانش نفس المجال اللي اشتغل فيه.. وفي النهاية ستظل أعماله خالده”.

واختتمت رانيا فريد شوقي حديثها، معلقة: “الناس بتوع زمان عاشوا المهنة على أصولها، لما بيحصل تطور ومناخ مختلف للأسف مابيعرفوش ينسجمو معاه وده مش تقصير منهم ولا يعيبهم، لأن ده الطبيعي، وللأسف إحنا مش في أحسن حالة في الوسط ولا في مجالات تانيه كتير”.