تامر حسني يوجه نصيحة لجمهوره: «متضيعش دقات قلبك على حاجات متستاهلش»

وجه الفنان تامر حسني بعض الكلمات كنصيحة لجمهوره ومتابعيه، ليحثهم على عدم استهلاك طاقتهم ومشاعرهم على أشياء لا تستحق، مؤكدًا أن ما نفقده في حياتنا لا يمكن أن يعود.

وكتب تامر حسني عبر حسابه الرسمي بموقع التواصل الاجتماعي "فيس بوك": "سمعت تحليل عظيم أحب أنقلهلكم جايز يفيدكم بس ركزوا فيه جدا، ربنا سبحانه وتعالى بيخلقك ويديك هدية 5 مليار دقة قلب مثلا، لو هتعيش لـ 75 سنة أو 80، شوف بقى أنت ضيعت منهم 2 مليار ونص، وطبعا كلامي على المواقف اللي في إيدينا نغيرها، وتيجي بعد شوية تقول لنفسك إيه ده؟!!".

واستكمل تامر حسني منشوره، متسائلًا: "هل المواقف اللي عيشتها دي كانت مستاهلة أضيع عليها من عمري كل الدقات دي؟!، فأنت/ي من دلوقت قولوا لنفسكم، هل القصة دي أو الزعل ده أو المشكلة دي هتاخد من حياتي مثلا 20 ألف دقة قلب.. هل تستاهل؟!".

رسالة تامر حسني لجمهوره

وتابع منشوره قائلًا: "المقصود إنك متضيعش عمرك ودقات قلبك على حاجات متستاهلش، الدقات اللي بتروح مبترجعش تاني، دايما بقول إن اللي صاحي دلوقت والكلام وصله.. بعدين يبقى فعلا محتاج يسمع الكلام ده عشان يتقدم أو يغير في نفسه لأن فيحاجات حلوة مستنياه وميبصش للماضي، عشان محدش هيعرف يمشي لقدام وهو باصص لورا أكيد هيقع أو هيمشي غلط".

واختتم تامر حسني منشورة موجهًا نصيحة لجمهوره: "بص قدامك ركز في ورقتك وحالك مش حال الناس، مستنيك نجاح كبير روحله ومتضيعش وقتك ودقات قلبك في حاجات متستاهلش".

النشاط الفني لتامر حسني

وحقق المطرب تامر حسني، نجاحاً جديداً يضاف لمشواره الفني وذلك بعد أن حققت أغنيته "لينا معاد" 21 مليون مشاهدة عبر قناته الرسمية بموقع المشاهدات العالية الشهير بـ «يوتيوب» والمنصّات الرقمية، بعد طرحها منذ فترة كبيرة

وكان النجم تامر حسني، أطلق ألبومه الجديد «لينا معاد» منتصف يوليو الماضي، عبر جميع منصات التواصل الاجتماعي، في خطوة انتظرها جمهوره، وشهد الألبوم مفاجآت عديدة، أبرزها مشاركة تامر في كتابة وتلحين عدد من الأغاني بنفسه، مما أضفى طابعًا شخصيًا ومميزًا على العمل.