بعد تجديد تعاقده وخطوبته.. محمد رشاد يطلق أغنيته الجديدة "قهوة مظبوطة"

طرح الفنان محمد رشاد أحدث أغنياته بعنوان "قهوة مظبوطة" من ألبومه الجديد الذى سيحمل إسم “عشم وأخويه”، وذلك عبر موقع الفيديوهات “يوتيوب” وجميع المتاجر الإلكترونية ومحطات الراديو

تفاصيل أغنية قهوة مظبوطة 

أغنية "قهوة مظبوطة" من كلمات ملاك عادل، ألحان مصطفي الشعيبي، توزيع موسيقي إسلام ساسو، هندسة صوتية  هاني محروس ومن إنتاج هاني محروس، ، وهى أغنية صيفية تحمل إيقاعا سريعا يتناسب مع أجواء الموسم.

الجدير بالذكر أن محمد رشاد قام بتجديد تعاقده مع المنتج هانى محروس، ويستعدان لطرح ألبوم "عشم واخويه" الذى سيتم طرح أغنياته خلال الفترة المقبلة، ومن المعروف أن رشاد وهانى تعاونا من قبل فى أغنية "اللى كانوا" التى صدرت فى 2016 .

كلمات أغنية قهوة مظبوطة 

وتقول كلمات أغنية “قهوة مظبوطة”
كلها بتمدح في روحها .. وعاملة جدعان فالمواقع
بس في الواقع تعوزهم .. يجروا يتداروا في قواقع
والزمان لو قل منك .. ادي دقني ان سألوا عنك
بس نجمك لما يعلى شوية .. كله هييجي راكع
هات واحد قهوة مظبوطة .. على ناس مطلعوش مظبوطة
وعاللي في الجد بيجري .. وما بنشوفهوش
هات واحد قهوة غير ديه .. على اللي خادوني تسلية
وناس اختارتهم طلعوا ميشرفوش
ده الواحد ياما شاف بلاوي .. كله ع الأذية ناوي
ليه تركزوا في حياتنا .. مين بعتلكم دعاوي
ده الواحد ياما شاف مهازل .. غل زلزل الزلازل
ياللي نازل من نظرنا .. واحدة واحدة وانت نازل
هاروني وعود كتير وكلام .. يكفي عشر سنين قدام
وساعة الشدة ما اشتدت .. محدش كان معايا تمام
في ناس طول ما انت ليك علامات .. هيبقوا ملايكة وبجناحات
ولما الدنيا هتعكسك .. هتطلع كان ملكش اخوات
ده الواحد ياما شاف بلاوي .. كله ع الأذية ناوي
ليه تركزوا في حياتنا .. مين بعتلكم دعاوي
ده الواحد ياما شاف مهازل .. غل زلزل الزلازل
ياللي نازل من نظرنا .. واحدة واحدة وانت نازل

خطوبة محمد رشاد 

ووكان الفنان محمد رشاد أعلن عن خطوبته رسميا بفتاة من خارج الوسط الفنى، ونشر صور الخطوبة عبر حسابه على انستجرام.. كما قام رشاد بنشر صورة جديدة مع خطيبته، وعلق عليها قائلاً: “يا أغلي من روحي، بحبك كل يوم أكتر من اليوم اللي قبله ربنا يباركلي فيكي و يحميكي ويجعل بينا كل الخير”.. وعقب إعلانه الرسمى بخطوبته قرر طرح أغنيته الجديدة