عمرو زكي عن شائعات مرضه: «ليه تضر أهلي وبنتي؟»
رد عمرو زكي نجم الكرة المصرية السابق، على الشائعات التي انتشرت عنه خلال الفترة الأخيرة، وحقيقة مرضه.
وقال زكي في تصريحات تليفزيونية: "أما تيجي تتكلم إيه الهدف من إنك تتكلم على لاعيب كورة، أنا مش هاذكر أسماء.. أنا مش هازعل لما أقول لواحد زعلان من حاجات كتير، ومش هارد على حد معين، وأنا باقول للحد ده إنت ليه مجتش كلمتني ليه".
وأضاف: "لازم أراعي نفسية الشخص، لأن المعلومة دي ممكن تؤذيني أنا وأهلي وبنتي وبيتي.. بنتي بتصرخ بتقولي يابابا هو مفيش غيرك كل شوية يقولوا كلام غلط عنه، لو أنا ماشي غلط مفيش مشكلة تقولي غلط عشان لتعلم".
وتابع: "المصداقية هي اللي بتقولي اشتغل وأطلع هنا ولا أطلع هنا، محدش أصلًا كان بيتصل عليا، أنا باوصل للناس بسرعة.. لو عاوزني أرجع للساحة يكلمني بيني وبينه مش على الشاشة وقدام الناس، أنت بتغفل الدنيا عشان أنت بتتكلم عليا بشكل غير لائق".
واختتم: "هو إيه الخبر أصلا عشان أطلع أقول.. لما أنت بتقول كده عشان اطلع اشتمك وأظهر من تاني، لو كنت طلعت مكنش هيفرق معايا انك كابتني أو أي حد وكنت هقولك وأكلمك، للدرجة دي فريق الإعداد بعيد عني عشان تطلع تتكلم".
شوبير يثير قلق الجماهير حول الحالة الصحية لعمرو زكي
وكان الإعلامي أحمد شوبير، قد ذكر أن عمرو زكي نجم الزمالك والمنتخب السابق يمر بـ«أزمة صحية عنيفة» ومرهقة، مؤكدًا أن حالته في محنة شديدة وتحتاج إلى دعم معنوي ومتابعة مستمرة من محبيه.
من جانبه، صرّح زكي في مقابلة مع صحيفة «الرياضية» السعودية، بأنه بعد فترة غياب طويلة عن الأضواء، خضع لعدة عمليات خلال رحلته العلاجية، مؤكدًا أنه عاد إلى مصر منتصف أغسطس بعد أن تلقى العلاج في الخارج.
وقال إن حالته الصحية تحسّنت بشكل ملحوظ مقارنة بما كانت عليه بعد الحادث الأليم الذي تعرض له، والذي أجبره على البقاء في المنزل حوالي ستة أشهر.
وأضاف عمرو زكي أن إصابته كانت في منطقة الظهر، وأن الحادث تسبب له بمضاعفات كبيرة، مشيرًا إلى أن التكلفة المادية للعلاج تجاوزت 9 ملايين جنيه. رغم ذلك، طمأن محبيه بأن حالته الحالية أفضل بكثير، وأنه يتابع الأحداث الرياضية ويحرص على البقاء على اتصال مع ناديه القديم جماهيريًا.