محمد عطية عن واقعة «الصعيدي والفتاة» بالمترو: «الست عندنا دايما غلطانة»

علق الفنان محمد عطية على واقعة انفعال مسن على فتاة في المترو بعد وضعها ساق على ساق أمامه، وذلك عبر حسابه الشخصي على موقع التواصل الاجتماعي فيسبوك، قائلاً: "على فكرة الرجل الصعيدي اللي اتخانق مع البنت بدون وجه حق بيمثل السواد الأعظم من المجتمع المصري اللي طول الوقت شايف الأنثى كائن درجة تانية على جميع الاصعدة و لا يحق لها مايحق للرجل … ده غير المرجعية الدينية اللي بتنشر عن طريق اشخاص زي عبد الله رشدي اللي بتروج لأن ( رجولتك و فحولتك ) مرتبطة بتحكمك في المرأة بشكل عام .. الست عندنا غلطانة عامة و بعدين نبقى نشوف الكلام على ايه".

وأضاف محمد عطية: "تحرش بقى .. اغتصاب .. تعنيف  لفظي او جسدي .. و طبعا لأن الموضوع مرتبط بالجمل اللي بتاكل مع الناس زي ( النخوة  وغيره) هتلاقي توافق من معظم شرائح الشعب مع تصرفات الرجل الصعيدي اللي لو كان في اي دولة تانية كان زمانه محبوس..".

واختتم محمد عطية منشوره، قائلاً: "وماحدش يعلق الموضوع على شماعة السن.. انت مافيش اي تفوق ليك عليا عشان نزلت الكوكب قبلي بكام سنة.. اللي يحترمني احترمه انما التطاول بحجة السن دي مابتشوفهاش غير عندنا.. الكوكب مليان ناس مسنة ومحترمة عادي والله".

أزمة المسن والفتاة

جدير بالذكر أن رواد مواقع التواصل الاجتماعي تداولوا خلال الساعات الماضية مقطع فيديو لفت الأنظار وآثار جدلا كبيرا بين العديد من الناس، ويظهر في الفيديو رجل مسن من صعيد مصر يوبخ فتاة داخل إحدى عربات مترو الأنفاق بالقاهرة، في واقعة غريبة وغير مفهومة استفزت الكثيرين.

ويظهر في مقطع الفيديو الرجل في حالة انفعال شديدة تجاه الفتاة التي كانت تجلس في المقعد المقابل له، معترضا على طريقة جلوسها، حيث كانت تضع ساقا فوق الأخرى، مما أثار غضبه، وظل يرفع صوته داخل العربة قائلا: “ينفع تقعدي كده قدام الرجالة؟ مفيش احترام للرجالة؟"، وترد عليه الفتاة قائلة: "أنت مالك؟"، واستمر الرجل في تعنيفه للفتاة، بعدما بدأت هي بتصويره، قائلة: “ما هذا المجنون؟".