كارمن سليمان تطرح أخر أغنيات ألبومها الجديد «أصح غلطة»
طرحت المطربة كارمن سليمان أحدث أغنياتها والتي تحمل اسم "أصح غلطة"، عبر قتانها الرسمية بموقع المشاهدات العالية الشهير بـ «يوتيوب» وهي الأغنية الأخيرة من ألبومها الجديد الذي يحمل نفس الإسم.
أغنية "أصح غلطة" لـ كارمن سليمان
"أصح غلطة" من كلمات الشاعر أحمد المالكي، وألحان مصطفى جاد وتحمل الكلمات طابعًا عاطفيًا يعكس قوة قرار البطلة في المضي قدمًا بعد تجربة حب فاشلة، مؤكدة أن "البعد عنه كان أصح غلطة عملتها".
ونشرت المطربة كارمن سليمان مقطع فيديو من أخر أغنيات ألبوم أصح غلطة، عبر حسابها الرسمي على إنستجرام، وعلقت قائلة: «ألبوم أصح غلطة دلوقتي كامل على كل المنصات الموسيقية، يلا اسمعوه وشاركوني أكتر أغنية حبيتوها».
كلمات أغنية "أصح غلطة"
وتقول كلمات الأغنية:
قاللي بكرة هتندمي بتغلطي مش حاسة إيه بتضعيه
هترجعيلي وتحلمي وساعتها هضحك عاللي بكرة هتبقى فيه
ومشيت يوميها وكنت عارفة انا بعمل إيه
إيه اللي عنده يتزعل أصلا عليه
وادي اللي قال هتعيش حياتها لوحدها
هو اللي تاه مقدرش يعرف زيها
وان حتى كل الناس قالولي إنك غلط
فالبعد عنه أصح غلطة عملتها
لما قالوا إستحملي سمعتهم وبعدت برضه ماهمنيش
وعمري تاني إتردلي دلوقتي مبسوطة بحياتي وقادرة أعيش
أيامي أحلى وبعد منه الفرق بان
وده لو غلط كان لازم اغلط من زمان
وادي اللي قال هتعيش حياتها لوحدها
هو اللي تاه مقدرش يعرف زيها
وان حتى كل الناس قالولي إنك غلط
فالبعد عنه أصح غلطة عملتها
تفاصيل ألبوم كارمن سليمان الجديد
والأغنية من ألبوم كارمن سليمان الجديد "أصح غلطة" والذي يضم 10 أغنيات متنوعة، هي: فيك حيل تكدب، الدنيا رايقة، صعبتها ع اللي بعدي، يا زعلانين، عمر تاني، طبطب عليا، إنت وبس، أناني إنت، أصح غلطة.
ملحينين وشعراء ألبوم كارمن سليمان الجديد "أصح غلطة"
وتتعاون كارمن سليمان خلال الألبوم مع عدد من أبرز صناع الموسيقى في مصر، من بينهم الملحن توما، مدين، عزيز الشافعي، أحمد المالكي، عمرو الشاذلي، كريم نيازي، عمرو الخضري، شادي ديفيد، عمرو المصري، يحيى يوسف، وأسامة الهندي.