عمر حسن يوسف لصبري فواز: «عيب إنت عندك 60 سنة»|فيديو
شن الفنان عمر حسن يوسف، نجل الفنان الراحل حسن يوسف، هجومًا حادًا على الفنان صبري فواز، بسبب طريقة دخوله لعالم الفن، وذلك عبر حسابه الشخصي على موقع التواصل الاجتماعي "فيسبوك".
وقال عمر حسن يوسف، خلال مقطع فيديو: "أول مرة أعمل فيديو وأتكلم فيه عن أي حاجة، أنا في حاجة حابب أوضحها، الناس ساعات بتطلع تعايرني بحاجة مش صح ومؤخرًا زميل كتب كلام على منتخب مصر وحسام حسن، وأنا قررت إني أرد عليه بما يمثل رأيي الشخصي".
وأضاف: "لقيت الفنان دا رد قالي على الأقل مدخلتش مثلت بالواسطة زيك".
وتابع: "استغربت إنك راجل عندك 60 سنة وممثل ناجح على كلامك فالمفروض تبقى عارف معلومات، وحتى لو مش عارف معلومات عن كل زمايلك ممكن تسأل، لكن مش عارف ومسألتش، عيب على سنك تطلع تقول الكلام دا".
وأضاف عمر: "ممكن تسأل مين دخل بالواسطة ومين لا ؟ واللي دخلوني الشغلانة أحياء يرزقون ومنهم الدكتور محمد العدل".
عمر حسن يوسف يكشف تفاصيل دخوله الوسط الفني
وقال:" تلقيت مكالمه من الدكتور محمد العدل، وأنا حينها كنت في سفرية شغل، وعرض عليا إني لو عايز أمثل فجاوبته حينها أيوه طبعًا عايز أمثل، وعجبتني الفكرة إنها جت بالطريقة دي، وأنا عمرى ما روحت لوالدى وطلبت منه التمثيل".
وأكمل :"روحت قابلت مدحت العدل، وعرض عليا فيلم والعمل السينمائي دا لسه متعملش أصلًا وبيتعمل اليومين دول وهو تأليف السيناريست تامر حبيب".
واختتم:"ذهبت بالسيناريو لوالدي لأخذ رأيه، وحينها رفض والدي أن تكون خطواتي الأولى بالطريقة كون الشخصية التي أسندت إليه هو تجسيد شخصية والده".
وسبق ورد عمر حسن يوسف، على تعليق صبري فواز، بسبب منتخب مصر، قائلًا : "ولا إنت كلامك ده ليه أي لازمة، وبالذات في الوقت اللي المفروض نقف ورا الجهاز الفني ومنتخبنا ونشجع بلدنا مهما كانت إيه الظروف اللي مش عجباك".
وأكمل عمر حسن يوسف، قائلًا :"هو كل شوية يطلع حد عامل بيفهم كرة وعنده إفيه، يعمل لذيذ على حساب المدير الفني بتاع منتخب بلده اللي داخل بطولة مهمة كمان كام يوم".
وأضاف :"مش وقت الكلام و الاستظراف ده خالص و قبل البطولة بعشرة أيام، شجعوا وانتم ساكتين ولو مش عاوزين تشجعوا وتشمتوا بس يبقي خليكوا ساكتين أحسن".
