حق الرد.. حماة وطن يرد على أزمات أمانة الجيزة وتصريحات «بيع المقاعد»
في أول رد رسمي من داخل حزب حماة الوطن على الاتهامات المثارة بشأن ما قيل عن "بيع المقاعد مقابل 25 مليون جنيه"، قال الدكتور عمرو سليمان، المتحدث باسم الحزب، في تصريحات خاصة لـ"إيجبتكِ":
"لا يوجد أي ردود على ما يُثار، وما داخل أروقة حزب حماة وطن داخل أروقة الحزب قولا واحدا".
وكانت حنان فايز شرشار، أمين قسم الوراق بحزب حماة الوطن، فجرت مفاجآت مدوية في حوار خاص لـ"إيجبتكِ"، أكدت فيه أن الحزب يعيش حالة من اللامبالاة تجاه القواعد الشعبية، مشيرة إلى وجود ما وصفته بـ"الفساد الصريح والوعود الكاذبة، وعلى رأسها طلب 25 مليون جنيه مقابل الترشح لانتخابات مجلس النواب.
كما أكدت أنها مستمرة في فضح الفساد داخل الحزب، وقالت إنها تعرّضت لضغوط ومساومات، لكنها "لن تسكت"، وستكمل مشوارها السياسي "حتى لو مستقلة".
البداية.. سنوات من الجهد بلا مقابل
قالت حنان شرشار:"أنا بشتغل في حزب حماة الوطن بقالى 6 سنوات، واشتغلت في انتخابات الرئاسة ونزلت الشارع، وكنت باصرف من جيبي، من غير ما أستنى أي مقابل، عشان الهدف كان واضح: خدمة البلد، مش مصالح شخصية".
وأضافت: "لكن لما جه وقت الترشح، لقيت نفسي مش موجودة.. لا اسمي اتكتب، ولا حد كلّمني، رغم إن شغلي معروف، ومجهودي واضح في الوراق".
"طلبوا مني 25 مليون جنيه علشان أترشح"
أشارت شرشار إلى أنها تواصلت مع قيادات الحزب بشأن الترشح لمجلس الشيوخ سابقًا، لكن الرد كان صادمًا:
"قالي صراحة: 25 مليون جنيه! قلتله ده مبلغ كبير، قالي (انتي مش عايشة في مصر؟)، وأنا عندي مقر وباصرف على الحملات، مش منطقي المبلغ ده أبدًا!".
وأكدت أنها حاولت التصعيد للمستويات الأعلى في الحزب، لكنها قوبلت بالتجاهل:
"رُحت للمركزية، محدش رد.. وكل ما أبعت لقيادات الحزب، مفيش رد، وكأننا مش موجودين، واللي يشتغل مابياخدش حقه".
المقاعد بتتباع.. والناس بتتسخر
وعن رؤيتها العامة لما يحدث، قالت: "الناس اللي اشتغلت على الأرض بيتسخّروا، والمقاعد بتروح لناس نازلة بـ(باراشوت)، مش مهم اشتغلت قد إيه ولا إيه أرضيتك الشعبية".
وأضافت:"فيه ناس من بره جايين يطلبوا الترشح على أماكننا وإحنا لينا سنين شغالين، ده ظلم بيّن، وبيقتل أي أمل عند الشباب".