بعد إحالته للتحقيق.. حلمي عبدالباقي لـ«إيجبتك»: «معايا مستندات ومش هاسكت»
قال الفنان حلمي عبدالباقي إنه فوجئ بقرار إحالته للتحقيق الذي صدر من الفنان مصطفى كامل، مؤكدا أنه لا يعرف سبب هذا التصعيد.
وفي أول تعليق لحلمي، قال في تصريحات خاصة خاص لـ"إيجبتك": “مصطفى كامل حولني للتحقيق عشان بيقول إني باتعالج على حساب النقابة، وده مش صحيح إطلاقا، معايا كل المستندات اللي تثبت إن علاجي كان على حسابي الشخصي بالكامل”.
وأضاف: “طوال السنين اللي فاتت كنت باخدم النقابة وأديها من وقتي وجهدي وصحتي، ومع ذلك لم يكن لي أي مخالفات داخل النقابة ولا عمري قدمت أو أخذت رشاوى، فمش فاهم ليه بيعمل كده معايا، وإحنا أساساً كنا شايفين شغلنا، أنا مش هاسكت.. وهاثبت الحقيقة كاملة”.
إحالة حلمي عبدالباقي إلى التحقيق
كشف مسؤول من نقابة المهن الموسيقية في تصريح خاص لـ “إيجبتك” عن إحالة كل من أحمد أبو المجد، سكرتير عام نقابة المهن الموسيقية، والفنان حلمي عبدالباقي للتحقيق.
تصريحات حلمي عبد الباقي
وقال حلمي عبد الباقي في مقطع فيديو نشره عبر حسابه الشخصي بموقع فيس بوك قائلًا:" عايز أسأل الجمعية العمومية كلها، هل في يوم قصّرت مع حد؟ أيام النقيب السابق هاني شاكر كنت ماسك لجنة الخدمات، وأيام كورونا كنت بنزل أسلّم الجوابات للناس عند بيوتها، وعملت بروتوكولات مع المستشفيات لخدمة الأعضاء ومقصرتش مع حد أبدا.
تابع حلمي عبد الباقي قائلًا :" كنت واقف معاك في الانتخابات ولفيت بيك مصر كلها، لكن ناس دخلت ودنك وقالولك إن حلمي بيخدم الناس عشان عايز يبقى نقيب، وإنت للأسف صدقت".
وأضاف: " طوال سنوات خدمتى في النقابة لم أتراجع عن مساعدة أي عضو، من أيام النقيب السابق هاني شاكر كنت ماسك لجنة الخدمات، وأيام كورونا كنت بنزل أسلّم الجوابات للناس عند بيوتها، وعملت بروتوكولات مع المستشفيات لخدمة الأعضاء ومقصرتش مع حد أبدا موضحًا: أي حد بيعترض على حاجة يبقى بيزايد وبيتآمر.. فيه ناس عايزة تهد النقابة.
