نائب الزمالك يحسم مصير محمود بنتايج وأرض أكتوبر

سلط هشام نصر نائب رئيس مجلس إدارة نادي الزمالك الضوء على أزمات القلعة البيضاء خلال الساعات الأخيرة.

قال هشام نصر نائب رئيس نادي الزمالك عبر برنامج زملكاوي على قناة الزمالك: مما لا شك فيه أن في مشاكل كتيرة في نادي الزمالك وأرجو من جماهير الزمالك اللي ليها حق علينا .. بقولهم في شائعات كتيره في السوشيال ميديا ميخدوش منها.

تابع نائب الزمالك: بخصوص موضوع المغربي محمود بنتايج .. هو لسه مفسخش عقده وهو قال أنا مش عايز كده هو إجراء من المحامي بسبب المستحقات بتاعتي وإحنا شغالين عليها حاليا لحلها وهو قانونياً مينفعش يفسخ عقده حالياً.

نائب الزمالك يوضح مصير أرض الزمالك

أضاف نائب الزمالك: عندنا الإسبوع القادم مناقشه لحل الموضوع بتاع الأرض لإننا كنا ببني عليها آمال كبيره لكن مش هي كل حاجه .. بنحاول نلاقي حلول.
 

واصل نائب الزمالك: إحنا مش سايبين الزمالك ومش سايبين أي مسار غير وماشيين فيه ولكننا متمسكين بأرض أكتوبر وموقفنا فيها وفي اجتماعات خلال إسبوع هنعرف فيها الموقف إيه.

واختتم نائب الزمالك حديثه قائلا: محدش بلغنا أن الأرض مش راجعه بشكل رسمي أو أن في أرض بديله.. كلها مجرد مشاورات طيب لو المشكله متحلتش تاخدوا أرض بديله وكده وأنا مقدر موقف الجمهور وهنتكلم وهنوضح كل حاجه في وقتها.