رانيا فريد شوقي توجه رسالة لشقيقتها بعد خضوعها للجراحة: بمثابة أمي

كشفت الفنانة رانيا فريد شوقي، عن إجراء شقيقتها عبير فريد شوقي، لعميلة جراحية بسيطة، إذ أعربت عن مدى حبها لها واقترابهم بعد وفاة والدتهما.

وقالت رانيا فريد شوقي عبر "فيسبوك": "بعد الأم، الأخت بتبقى الحضن اللي باقي، والحنان اللي ما بيخلصش بتفهمك من غير ما تتكلمي، وتخاف عليك أكتر من نفسها تفرح لفرحك، وتزعل لزعلك هي مش أمك، بس وجودها بيخلي روح الأم لسه حواليك الأخت حِتّة من الأم، وده بيرجع للتربية".

وأضافت رانيا فريد شوقي :"زرع وحصد الأم اللي زرعت الحنية والرحمة في بنتها، وابنها بتسيب في الدنيا نسخة منها ربنا يحفظ كل أم زرعت حب، وكل أخت طلعت أم تانية و كل أخ طلع أب تاني لأخته أنا وعبير.. أمهات بعض، شكرًا يا أمي على حنيّتك اللي زرعتيها فينا عبير عملت عملية بسيطة النهاردة الحمدلله حبيبتي ربنا يعافيكي ويحفظك من كل شر ادّوا أخواتكم حضن النهارده.. يمكن محتاجينه من غير ما يقولوا".

هيفضلوا جوه قلبي.. رانيا فريد شوقي تتصدر التريند بسبب «كلبين»

وكان اسم الفنانة رانيا فريد شوقي تصدر تريند محركات البحث جوجل ومواقع التواصل الاجتماعي خلال الساعات القليلة الماضية، وذلك بعدما أعلنت عن فقدان كلبيها الذين رافقاها لسنوات طويلة.

ونشرت رانيا فريد شوقي صور لـ كلبيها عبر حسابها الشخصي بموقع التواصل الاجتماعي "فيسبوك"، وكتبت معلقة: "في نفس الشهر قلبي اتوجع مرتين، سنين من عمري عدت، عاشوا معايا فيها بحلوها ومرها".

وتحدثت الفنانة عن العلاقة العميقة التي ربطتها بكلبيها، معتبرة أنهما كانا جزءًا من حياتها اليومية، قائلة: "بناتي كبروا معاهم وأنا كمان، بقينا عيلة، دفوني بحبهم وعلموني معنى الوفاء من غير كلام، حبوني بصدق، من غير أي مصلحة، كل اللي طلبوه إنهم يفضلوا جنبي، ويكونوا معايا بكل عيوبي وظروفي".

ورفضت رانيا أي سخرية من مشاعرها، مؤكدة أن وجع الفراق لا يفرق بين الإنسان والحيوان: "وجع الفراق ما بيفرقش بين إنسان وحيوان، يمكن بعض الناس ما يفهموش الإحساس ده، بس اللي عاش التجربة يعرف قد إيه الألم صادق".

واختتمت منشورها بالتأكيد على أن ذكريات كلبيها ستظل محفورة في قلبها دائمًا: "هما مشيوا بس هيفضلوا جوه قلبي بنظرتهم وحنانهم وذكرياتهم اللي عمري ما هنساها".