تعرف على مركز أغنية حمزة نمرة «اهدى» على «يوتيوب»
حلت أغنية “اهدى” للمطرب حمزة نمرة في المركز السادس بين الأغاني المطروحة عبر موقع المشاهدات العالية الشهير بـ"يوتيوب"، محققة نسبة مشاهدة وصلت إلى 339683 وذلك بعد طرحها منذ 4 أيام.
الأغنية كلمات خالد عصام وألحان خالد عصام وتوزيع خالد عصام وإيقاع: محمد أقطاي والعود والكمبوس أوزديمير جوز.
وجاءت كلمات أغنية اهدى كالتالي:
اهدى ما تزعلش نفسك
ايه اللي ف الدنيا يستاهل
لما تهدى تلقى وقتك
يثبت انك كنت جاهل
لما قلت انك خسرت كتير
لما قلت انك هتمشي بعيد
حزن خلى العمر يجري وقلبك
واقف لسه ف الوجع بيعيد
ما يغور
كل اللي يطفي ف قلبك نور
كل اللي يبني قصادك سور
كل اللي حبه كدب وزور
ما يغور
كل اللي بيخليك مكسور
كل اللي يلف عليك ويدور
كل اللي قصده أذاك
كورس
سماح يا زمان سماح
ف اللي راح
يا سنين ما تكمليش ف الجراح
وانسيني شوية وأنا هرتاح
ويا هم سيبني حلّني وانزاح
سماح يا زمان سماح
ف اللي راح
يا سنين ما تكمليش ف الجراح
وانسيني شوية وأنا هرتاح
ويا هم سيبني حلّني وانزاح
قلبي
محتاج ياخد وقته
وأنت يا حزن خنقته
سيبه عشان قلقان وكفاية اللي سرقته
قلبي
كان طيب وجرحته
لا خاصمته ولا صالحته
سيبه خلاص على راحته ما كفاية انه لوحده
سماح يا زمان سماح
ف اللي راح
وفي وقت سابق طرح الفنان حمزة نمرة ألبومه الجديد الذي يحمل عنوان "احكي"، والذي طرحه يوم 26 نوفمبر الماضي، عبر موقع الفيديوهات الشهير بـ يوتيوب وكافة تطبيقات الموسيقى الرقمية، لتضاف هذه الأعمال الجديدة إلى رصيده الفني الغني والمتميز.
وتحدث حمزة نمرة في لقاء مؤثر مع برنامج "معكم" الذي تقدمه الإعلامية منى الشاذلي على قناة "أون"، عن واحدة من أصعب محطات حياته، وهي فقدان والدته في طفولته، الحدث الذي ترك أثرًا بالغًا على صوته وأغانيه، وجعل الحزن جزءًا لا يتجزأ من تجربته الفنية.
حلقة حمزة نمرة مع منى الشاذلي
وأوضح حمزة أن والدته دخلت في غيبوبة استمرت عامًا كاملًا بعد مضاعفات الحمل، قائلا: “كنت طفلًا صغيرًا في بلد عربي بعيد عن أهلنا، ووالدي حاول يشرح لي ما حدث بطريقة علمية لأنه كان طبيبًا، وطلب مني أن أدعو لمعجزة، فضلت سنة كاملة ادعو أن تعود أمي لكن كانت إرادة ربنا”.