سما المصري تعلق على احتمالية تركها مصر: "قاعدة أفرس فيكم"
خرجت الفنانة سما المصري، عن صمتها لتعلق على تصريح منسوب لها بأنها قالت في وقت سابق إنها قد تسافر خارج البلاد.
وقالت سما المصري في منشور لها عبر حسابها الرسمي بموقع “فيس بوك”: “هي مين دي اللي تسيب البلد وتمشي؟ انتوا بتحلموا، أنا قاعدة على قلبكم، والمصحف لا أقعد أفرس فيكم كده، أنا جايبة آخري النهاردة، فبلاش الاستفزاز ده بقى.. نهدا شوية”.
سما المصري بالشال الصعيدي والجلباب والعكاز في انتخابات النواب 2025
شاركت الفنانة سما المصري في اليوم الثاني من المرحلة الثانية لانتخابات مجلس النواب 2025، حيث لفتت الأنظار بظهورها المميز أمام إحدى لجان الاقتراع وهي ترتدي جلبابًا بلديًا وشالًا تقليديًا وتمسك بعصا، في مشهد أثار تفاعلًا واسعًا على مواقع التواصل الاجتماعي.
وحرصت سما المصري على توثيق لحظة حضورها، بينما علقت عبر “فيس بوك” بسخرية على ما تردد حول ضبط حالات لتوزيع أموال على بعض الناخبين، قائلة: “سمعت إنهم قفشوا ناس بيوزعوا فلوس في لجان… أحسن، تستاهلوا! طب ما فيش رِشة ناحية الدايرة بتاعتي؟”.
وأضافت في منشورها بأسلوبها المعروف: “أنا واقفة جنب اللجنة، لا مصاري ولا كراتين عدّت من هنا… ألطّم ولا إيه؟”ورغم طابع السخرية في تعليقاتها، شددت سما المصري على أهمية مشاركتها في العملية الانتخابية، مؤكدة حضورها للإدلاء بصوتها كواجب وحق دستوري.
سما المصري: عايزة أشتغل وأكل عيش بالحلال
أعربت سما المصري عن معاناتها واستيائها من حملات التشويه التي تتعرض لها، مؤكدة أنها تسعى فقط لنيل حقها والعمل الشريف بعد ارتدائها الحجاب منذ ما يزيد عن شهر.
وقالت سما المصري في منشور عبر حسابها الشخصي بموقع التواصل الإجتماعي "فيس بوك": «والله يارب أنا ما عايزه غير حقي أنت وحدك سبحانك اللي عارف كل حاجه وعارف أنا صابره وساكته ومش عايزه أتكلم عشان أنت اللي هتجيبلي حقي وعشان عايزه أشتغل مع ناس تاني وأكل عيش بالحلال.. نهشوا في عرضي وشككوا الناس فيا وفضحوني بالباطل قدام أهلي والناس وشهروا بيا ودخلوا كمان في نيتي وضميري وحجابي».
وتابعت سما المصري: «دخلوا في علاقتي بيك اللي محدش عارفها غيرك أنت سبحانك.. كل دا عشان طالبه رزقي بالحلال وساكته عماله أقول بكره يعقلوا بكره يسكتوا ومفيش فايده بتحارب وهتحارب عشان عايزه أبقى نضيفه.. أقف جنبي يارب مش طالبه غيرك يقف جنبي، مهما الكل سابني وشك فيا وكدبني انت بس اللي مصدقني».